Ижтимоий тармоқларда МИБ ходимлари ва фуқаролар ўртасида жанжал акс этган видеолар тарқалди. Ҳолат юзасидан берилган изоҳ “Ҳудуд” информацион дастурида маълум қилинди.
Қайд этилишича, вояга етмаган 2 нафар фарзанди учун огоҳлантиришларга қарамай, жорий йилнинг 1 август кунига қадар 10 миллион 737 минг сўм алимент пулини тўламаган ота Учтепа туман суди қарори билан 15 суткага қамалган.
Фуқаронинг қариндошлари эса жорий йилнинг 15 август куни бюронинг Учтепа туман биносига келиб, қарздор отанинг ноҳақ қамалгани ҳамда унинг аёли фарзандларининг тарбиясига эътиборсиз эканини билдириб, ходимлар билан қўпол муносабатда бўлган ва жанжал чиқарган.
Ҳозирда ҳолат бўйича тўпланган ҳужжатлар ўрганилмоқда.
Аввалроқ Қорақалпоғистон Республикаси Нукус шаҳрида ота фарзандининг 18 ёшига қадар тўлаши керак бўлган, 2,2 миллиард сўм алиментини олдиндан қоплаб бергани тўғрисида хабар қилинганди.
Изоҳ (0)