Жиззахда вилоят суд бошқарувчилар ассоциацияси аъзоси 12 миллион сўм пора билан қўлга тушди. Бу ҳақда ЎзА хабар берди.
Хабарга кўра, ҳолат ДХХ Жиззах вилояти бошқармаси, Иқтисодий жиноятларга қарши курашиш департаменти вилоят прокуратураси ходимлари томонидан ўтказилган тезкор тадбир давомида аниқланган.
Жиззах вилоят суд бошқарувчилар ассоциацияси аъзоси Шароф Рашидов туманида рўйхатдан ўтган оилавий корхона раҳбари ишончига кириб, хизмат мавқеидан фойдаланган ҳолда корхонанинг солиқ органидан юзага келган 23 миллион 200 минг сўм қарздорлигини йўқ қилиб бериш ва банкрот деб топиш эвазига ундан 12 миллон сўм талаб қилган. Пулларни Жиззах шаҳридаги хизмат хонасида олган вақтида ашёвий далиллар билан ушланган.
Ушбу ҳолат юзасидан жиноят иши қўзғатилиб, тергов ҳаракатлари олиб борилмоқда.
Февраль охирларида ДХХпрокуратура, суд, Миллий гвардия ва адвокатура ходимларини жиноят устида қўлга олгани, 2022 йил январда Фарғонада прокурор 1 000 доллар пора билан қўлга тушгани, 2021 йилда эса Андижон прокуратураси ходими 15 минг доллар пора билан ушлангани тўғрисида хабар берилганди.
Изоҳ (0)