17 август тонгида АҚШнинг Иллинойс штати, Чикаго шаҳрида ўтказилиши режалаштирилган UFC 319 турнирида октагонга чиқиши керак бўлган ўзбекистонлик жангчи Нурсултон Рўзибоев ва америкалик Брайан Баттл ўртасидаги баҳс бекор қилинди. Бу ҳақда лига матбуот хизмати хабар берди.
-1bjn6Rab.avif)
Сабаб сифатида Брайан Баттл белгиланган вазн меъёрларини бажара олмагани кўрсатилди. АҚШ вакили 86,1 кг тош босди. Бу белгиланган меъёрдан салкам 2 кг кўпроқдир. Шу боис UFC мазкур жангни бекор қилишга қарор қилди.
Шундан кейин спортчилар учрашиб, ўзаро суҳбатлашиб олди. Брайан Нурсултон билан суҳбатда жангдан олдин ўтказилган матбуот анжуманида ўзбекистонлик мухлислар ҳақида айтган гаплари учун узр сўради. Рўзибоев эса октябрь ойида Абу-Дабида ўтадиган UFC оқшомига жанг қилишни таклиф қилди.
Изоҳ (0)