“Дарё” нашри бугун, 13 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Батирбек Каипбергенов Қорақалпоғистон олий таълим фан ва инновациялар вазири этиб тайинланди
Тайинловга қадар у Тошкент ахборот технологиялари университети Нукус филиали директори лавозимида ишлаган.
Ўзбекистонда ҳар минг кишига 103 та автомобиль тўғри келмоқда
Мамлакат аҳолисида 1 январь ҳолатига кўра, 3,8 млн дона енгил автомобиль мавжуд.
Ўзбекистонда иш ҳақи ўз вақтида тўланишини таъминлашга қаратилган конвенция ратификация қилиниши маъқулланди
Конвенция қоидалари иш ҳақи тўланадиган ёки тўланиши лозим бўлган барча шахсларга нисбатан қўлланилади.
Ўзбекистонликлар Литвага уч мингга яқин бўш иш ўрнига таклиф этилмоқда. Ойлик 700 евродан бошланади
Ётоқхона ва транспорт харажатлари иш берувчи ҳисобидан қоплаб берилади.
ДХХ судья, бош ҳисобчи, бош инспектор, бош муҳандис ўринбосарини пора олаётганида ушлади (видео)
Хусусан, “Ҳудудий электр тармоқлари” бош муҳандиси техник шарт бериш эвазига 7 минг доллар талаб қилган.
Ўзбекистондаги ахборот тизимларига бир ҳафтада 32 мингдан ортиқ кибертаҳдидлар содир этилди
Улардан энг кўпи ҳукуматга тегишли ахборот тизимларига нисбатан уюштирилган.
Ўзбекистонда дизель нархи 15 фоизга арзонлаштирилиши маълум қилинди
“Ўзбекнефтгаз” раиси Баҳодир Сиддиқов фермерларга видеомурожаат билан чиқди.
Ўзбекистон ва Озарбайжон ўртасида фуқароларнинг визасиз сафар қилишларига оид баённома кучга кирди
Энди икки мамлакат фуқаролари 15 кунгача ўзлари бўлиб турган давлатда рўйхатдан ўтиши шарт эмас.
Судьялар олий кенгаши Навоийда пора билан қўлга тушган судья юзасидан баёнот берди
Кенгашга кўра, ҳакамлик судлари суд тизимига кирмайди.
Ўзбекистонда аёлларга катта сиғимли автобусларни ҳайдашга рухсат берилди
Транспорт соҳасида гендер тенгликни таъминлаш имконияти яратилди.
Мактабда дарс қолдирган ўқувчиларнинг ота-онасига юборилаётган огоҳлантириш хати бўйича изоҳ берилди
Унда турли тартибдаги маъмурий жавобгарлик чоралари қўлланиши айтиб ўтилганди.
Бухорода 51 ёшли блогер пичоқланди. Прокуратура воқеа тафсилотларини очиқлади
Воқеа 2023 йилнинг 6 февраль куни Шофиркон туманидаги “Аллигатор” номли тунги клубда содир бўлган.
Қамчиқ довонидаги ЙТҲ оқибатида 5 киши вафот этди
Ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.
Тошкент ҳавосининг ифлосланишига мазут сабабчими? Энергетика вазирлиги баёнот берди
Экология вазирлиги мазут ёқилгани сабаб пойтахт ҳавосини тутун қоплагани ҳақида хабар берганди.
Солиқ кодексининг 227-1-моддасида белгиланган жарима миқдори кескин камайтирилади
“Бу модда бўйича муаммо тўлиқ ечим топди”, — дейди Даврон Ваҳобов.
Самарқандда ота фарзандининг алименти учун 334 млн сўм пул ва машина совға қилди
Унга МИБ томонидан қарздорликни ўз вақтида бартараф этмаслик оқибатлари бўйича тушунтириш берилган.
ОТP Bank бошқаруви раиси Венгрия бизнеси Ўзбекистон бозоридаги фаолиятини жадал кенгайтиришга тайёрлигини тасдиқлади
Шавкат Мирзиёев банк бошқаруви раиси Шандор Чанини қабул қилди.
“2025 йилда миллий иқтисодиётимизни сифат жиҳатидан мутлақо янги даражага олиб чиқишимиз шарт” – Шавкат Мирзиёев
Президент жорий йилда амалга ошириш мўлжалланган асосий стратегик ислоҳотлар бўйича тақдимот билан танишди.
Тошкентда ўзаро гуруҳбозликка йўл қўйган боғча директорига чора кўрилди
Шунингдек, таълим муассасасида кунлик таомнома ўз вақтида эълон қилинмаслиги ҳам аниқланган.
Изоҳ (0)