Англиянинг “Плимут Аргайл” клуби собиқ бош мураббийи, “Манчестер Юнайтед” афсонаси Уэйн Руни “Ньюкасл” ҳужумчиси Александер Исакнинг “Ливерпуль”га трансфери ва янги мавсум Премьер Лигада қайси жамоа чемпион бўлиши мумкинлиги ҳақида фикр билдирди.
Унинг фикрича, Арне Слот бошчилигидаги “Ливерпуль” АПЛ чемпионлиги учун асосий даъвогар бўлиб турибди:
Мен “Ливерпуль”ни бу мавсумда чемпионлик учун асосий номзод деб ҳисоблайман. Агар Исак ҳам қўшилса, уларни тўхтатиш имконсиз бўлади. Чунки яхши футболчилар ҳар қандай жамоага тезда мослашади. Исак эса ўзини юқори даражадаги ҳужумчи эканлигини исботлаган, деди Руни BBC нашрига берган интервьюсида.
Рунининг фикрича, Исак кетадиган бўлса, бу “Ньюкасл” учун орқага ташланган қадам бўлади. Клуб уни қўлдан чиқармаслик учун қўлидан келганини қилмоқда. Шунга қарамай, агар трансфер амалга ошса, бу маблағ янги футболчиларни жалб қилиш ва таркибни кучайтиришга сарфланиши мумкин.
- Англия Премьер Лигаси 15 август куни старт олди. Турнинг илк қарама-қаршилигида “Ливерпуль” “Борнмут”ни 4:2 ҳисобида мағлубиятга учратди.
- Мерсисайдликлар ҳужум чизиғини кучайтириш учун Александр Исак трансферини амалга оширишга ҳаракат қилмоқда. Улар футболчи учун бир қанча таклиф жўнатди, бироқ “Ньюкасл” уларга рад жавобини бермоқда.
Изоҳ (0)