Туркиянинг барча аэропортлари террористик ҳужумлар таҳдиди туфайли хавфсизлик чораларини кучайтирди. Бу ҳақда Hurriyet хабар берди.
Ҳозирда аэропорт терминалларига кирувчи ва чиқаётган барча автомашиналар синчиклаб текширилмоқда ва йўловчилар шахси назоратдан ўтказилмоқда. Истанбулдаги Сабиҳа Гўкчен аэропортида эса йўловчиларга кўриклар туфайли вақтни йўқотмаслик учун парвоздан камида уч соат олдин келиш тавсия этилган. Бундай эҳтиёт чоралари 23 октябрь куни Туркиянинг TUSAS аэрокосмик компаниясининг Анқарадаги объектида теракт содир этилгани билан боғлиқ.
Анқарадаги теракт
TUSAS аэрокосмик корпорация объектига аёл ва эркак қуролли ҳужум уюштирган. Ҳужумни амалга оширганлар зарарсизлантирилган.
Қурбонлар сони 5 кишига етган, ярадорлар эса 22 нафарни ташкил этмоқда. Улардан уч нафари шифохонадан чиқарилган. Туркия Ички ишлар вазири Али Ерликая мамлакатда тақиқланган Курдистон Ишчи партиясини ҳужумда гумон қилган. Терактдан сўнг Туркийда Сурия ва Ироқдаги курдлари объектларида ҳаво ҳужумлари уюштирган. Оқибатда 50 дан ортиқ нишон муваффақиятли йўқ қилинган. Ҳаво операциялари давом этмоқда.
Эрдўғоннинг терактга муносабати
Туркияга чўзилган ифлос қўллар синдирилади. Хавфсизлигимизга таҳдид солаётган бирорта ҳам тузилма, террор ташкилоти ёки ёвузлик ўчоғи ўз мақсадига эриша олмайди. Терроризм таҳдидларининг барча турлари ва унинг тарафдорларига қарши курашимиз давом этаверади, дея Туркия президенти Ражаб Тоййиб Эрдўғон терактга муносабат билдирган.
У Туркия террорчилар ва уларнинг ёрдамчиларига қарши барча турдаги таҳдидларга қарши қатъиятли, кескин ва кўп қиррали курашни давом эттиришини таъкидлаган.
Туркиядаги ўзбекистонликлар ҳушёрликка чақирилди
Ўзбекистоннинг Истанбулдаги Бош консулхонаси мамлакат фуқароларини Анқарадаги терактдан сўнг Туркияда жорий қилинган эҳтиёт ва хавфсизлик чораларига риоя қилишга чақирди.
Туркиядан чиқиб кетиш арафасида бўлган фуқаролардан аэропортларга учиш учун қайддан ўтиш (регистрация) вақтидан камида 1 соат олдин етиб боришлари, шубҳали буюмлар ва шахслар тўғрисида яқин орадаги полиция ёки хавфсизликни таъминлаш (Öзел гüвенлик) бўлинмалари ходимларига хабар беришни тавсия этилади.
Изоҳ (0)