Президент Шавкат Мирзиёевнинг Қозон шаҳрига тадбирларга бой амалий ташрифи ниҳоясига етди. Бу ҳақда Президент матбуот хизмати хабар берди.
Ташриф дастури якунлангач, давлат раҳбари Тошкентга жўнаб кетди. Аэропортда олий мартабали меҳмонни Татаристон раиси Рустам Минниханов ва бошқа расмий шахслар кузатиб қўйди.
Ўзбекистон президенти “БРИКС плюс” саммитининг ялпи мажлисида барқарор тараққиёт йўлидаги умумий мақсадларга эришишга қаратилган муҳим ташаббусларни илгари сурди.
Саммит доирасида давлатимиз раҳбарининг Туркия президенти Ражаб Тоййиб Эрдўғон, Хитой Халқ Республикаси раиси Си Цзиньпин, Миср Араб Республикаси президенти Абдулфаттоҳ ас-Сиси, Ҳиндистон бош вазири Нарендра Моди, Вьетнам бош вазири Фам Мин Тин, Татаристон раиси Рустам Минниханов, Янги тараққиёт банки президенти Дилма Русеф, “Сбербанк” бошқаруви раиси Герман Греф билан учрашув ва музокаралари бўлиб ўтди.
Шунингдек, Шавкат Мирзиёевни Ўзбекистон ва Татаристон ўртасидаги ҳамкорликни ривожлантириш, халқлар ўртасида дўстлик ва ўзаро англашувни мустаҳкамлашга қўшган салмоқли ҳиссаси учун Татаристон Республикасининг давлат мукофоти — “Дўстлик” ордени билан тақдирлаш маросими бўлиб ўтди.
Изоҳ (0)