Сурия шимолида Туркия хавфсизлик кучлари Истанбулнинг Истиқлол кўчасида содир этилган терактга алоқадорликда гумон қилиб, бир кишини қўлга олди. Бу ҳақда А Haber телеканали хабар бермоқда.
Туркия полицияси талқинига кўра, террорчилик ташкилоти аъзоси Истанбулда портлаш содир этган террорчиларга ёрдам бериб турган.
Шу тариқа, телеканал қайд этишича, теракт юзасидан қўлга олинганлар сони 51 кишига етган.
Истанбулнинг Бейўғли туманида сайёҳлар орасида энг оммабоп бўлган жойлардан бири — Истиқлол кўчасида 13 ноябрь куни портлаш юз берган эди. Олти киши ҳалок бўлиб, 81 киши жабрланган. Истанбул Бош прокуратураси портлашни теракт деб баҳолади.
Терактдан кейин эртаси куни Туркия ҳукумати бу жиноятга алоқадорликда гумон қилиниб, 46 киши қўлга олинганини маълум қилди. Улар орасида 23 ёшли аёл — Сурия фуқароси ҳам бўлиб, у бомбани портлатишда айбланмоқда. Полиция даъво қилишича, унинг «Курдистон ишчилар партияси» билан боғлиқлиги бор. Бу Туркия армиясининг Сурияда 2016 йилдан буён бешинчи операциясидир.
Мавзуга доир:
Изоҳ (0)