Президент Шавкат Мирзиёев Қозон шаҳридаги BRICS саммитида иштирок этаётган делегациялар раҳбарларини қутлаш маросимида қатнашди. Бу ҳақда Президент матбуот хизмати хабар бермоқда.
“Казан Экспо” халқаро кўргазмалар марказида давлат раҳбарини Россия Федерацияси президенти Владимир Путин кутиб олди. Маросимда бир қатор мамлакатларнинг давлат ва ҳукумат етакчилари, халқаро ва минтақавий ташкилотлар раҳбарлари ҳам иштирок этди.
Тадбирдан сўнг тантанали қабул маросими ўтказилди.
Ўзбекистон етакчиси 24 октябрь куни “BRICS плюс” форматидаги саммитнинг ялпи сессиясида нутқ сўзлайди.
Аввалроқ Шавкат Мирзиёев Саммит доирасида Ҳиндистон бош вазири Нарендра Моди ва Туркия президенти Ражаб Тоййиб Эрдўғон билан учрашув ўтказгани ҳақида хабар берилганди. Шунингдек, у бирлашманинг Янги тараққиёт банки президенти Дилма Русеф ва “Сбербанк” президенти ва бошқарув раиси Герман Грефни қабул қилди.
Изоҳ (0)