Euronews телеканали ижодий гуруҳи Наманган вилоятининг Чуст туманида бўлиб, пичоқлар тайёрлаш жараёнини тасвирга олди. Бу ҳақда “Дарё” мухбири Азизбек Абдувалиев хабар бермоқда.
Чустлик усталар пичоқлар ясаш билан боғлиқ барча босқичларни ижодий гуруҳга батафсил намойиш этди. Тасвирга олиш жараёнида устахонадаги муҳит, металл қиздириш, унга шакл бериш ва миллий нақшлар билан безаш жараёнлари акс эттирилди.
Вилоят туризм бошқармаси мутасаддиларининг билдиришича, Euronews телеканали томонидан намойиш этиладиган лавҳа Наманган ҳунармандчилиги билан яқиндан танишиш, вилоят туризм салоҳиятини тарғиб этиш ва Чуст пичоқларининг бренд сифатида янада танилиши учун хизмат қилади.
Изоҳ (0)