Керем Бюрсин ва Ҳанде Эрчел “Қалбим эшигини қоқ” сериалида суратга тушганидан сўнг ҳақиқий феноменга айланди. Онлайн дўконлар сериал кадрлари ва қаҳрамонлар сурати туширилган маҳсулотлар билан тўлиб кетди, ижтимоий тармоқларда сериал парчалари вирусдек тарқала бошлади. Аммо, улар энди кинода бирга суратга тушмайди.
2020 йилдан 2021 йилгача бўлган даврда бу юлдузлар продюсерларнинг севимлиларига айланади, деб ўйланганди. “Қалбим эшигини қоқ” эса уларнинг биринчи ва охирги эмас, балки кўплаб биргаликдаги лойиҳаларидан бири бўлади, деган умид бор эди. Бироқ мухлисларнинг умидлари сўна бошлади. Романтик комедиянинг финал қисмини эфирга узатишганидан кўп ўтмай, интернетда актёрларнинг ажрашгани ҳақида миш-мишлар пайдо бўлди.
Ҳозиргача ижтимоий тармоқларда мухлислар вақти-вақти билан бу жуфтликнинг яна бирга ишлашига умид билдирган постлар билан бўлишмоқда.
Керем Бюрсин ва Ҳанде Эрчел мухлисларининг иккига бўлиниши молиявий хавфларни келтириб чиқаради
Туркияда барча лойиҳалар имкон қадар кўпроқ даромад олиш мақсадида суратга олинади, бунда ички ва халқаро бозорлар ҳисобга олинади. “Қалбим эшигини қоқ” сериалининг мухлислари ҳали ҳам Ҳанде ва Керемни бирга кўриш умидида, лекин бу компаниялар учун жуда хавфли қадам ҳисобланади.
Актёрларнинг ажрашиши сабабли уларнинг мухлислари икки доимий рақиб томонларга бўлинган: бирлари Ҳанде Эрчелни қўллаб, айбни эркакда кўрса, бошқалари Керем Бюрсин томонида туриб, ажралиш сабабчиси айнан актриса деб ҳисоблайди. Натижада продюсерларга кўп томоша кафолатлай оладиган ягона бирлашган аудиториядан ҳеч нарса қолмади, худди илгари Неслиҳан Атагул ва Бурак Озчивит тандеми билан бўлгани каби.
Агар узоқ танаффусдан сўнг юлдузларнинг иштирокидаги яна бир фильм ёки сериал суратга олинса, “Қалбим эшигини қоқ” сериалидаги каби муваффақиятга эришиши аниқ эмас. Чунки мухлисларга актёрларнинг саҳнадаги муносабатлари табиий кўринмайди, улар ҳақиқий жуфтлик эмас, деб ҳисоблашади.
Ҳанде Эрчел ва Керем Бюрсиннинг тинч ажралмаганлиги сабабли юзага келган салбий фон
Реал ҳаётда улар орасида келишмовчиликлар бўлганидан кейин ҳеч ким экранда уларнинг самимийлигига ишонмайди. Бирга ишлаш учун ўзаро яхши муносабатлар керак, аммо Ҳанде ва Керем бунга энди даъво қила олмайди.
Муаммо шундаки, иккала актёр ҳам бош роллар учун курашарди, демак улар орасидаги саҳнадаги муносабатлар кўп бўлиши керак эди. Буни Ҳакан Сабанжи, ҳамда Керем Бюрсиннинг севгилиси Мелиса Сабанжи ҳам ёқламас эди. Яхши ўйнаган ва дўст бўлган шерикларни бир лойиҳада қайта бирлаштириш бошқа, эски жуфтликни бир лойиҳага қўйиш эса мутлақо бошқа ҳолат.
Янги ишқий миш-мишлар пайдо бўлиш хавфи
Керем Бюрсин ва Ҳанде Эрчелнинг мухлислари бир-бирига мутлақо зид, бироқ тўрт йил ўтган бўлса-да, юлдузларнинг ҳақиқий ҳаётда қайта бирлашиши мумкинлигига ишонувчилар ҳали ҳам бор.
Ҳанде ва Керем ўртасида шундоқ ҳам исталган пайтда можаро чиқиши мумкин, агар улар бир-бири билан жуда яқин муносабатда бўлса. Бунинг устига, юлдузлар яна бирлашгани ҳақидаги навбатдаги миш-мишлар тарқалса, можаронинг олдини олиш имконсиз бўлади.
Актёрлардан бири ўз обрўси ва шахсий ҳаётига путур етказмаслик учун сериал ёки фильмни шунчаки тарк этиш эҳтимоли ҳам юқори. Бундай вазиятда лойиҳани ёпишдан бошқа илож қолмайди, чунки актёрни алмаштириш бир пайтлар энг машҳур ва талабгор бўлган жуфтликка ишонч билдирган компанияга ҳеч қандай наф келтирмайди. Муддатидан олдинги якунланиш обрўга путур етказувчи можарога сабаб бўлади ва продюсерлар катта зарар кўради.
Ханде Эрчел ва Керем Бюрсиннинг касбий ривожланишга бўлган қарашлари турлича
Собиқ сериал шерикларининг манфаатлари бир-биридан фарқ қилишини ҳам ҳисобга олиш керак. Ҳозирда Керем режиссёрлик, ўзининг продюсерлик компаниясини ривожлантириш ва ўзига мураккаб бўлган роллар орқали ўзини синаб кўришга эътибор қаратмоқда. Ҳанде эса бутунлай бошқа устуворликларга эга.
Ҳанде Эрчел кўпроқ рекламний шартномалар ва муваффақияти кафолатланган лойиҳаларга эътибор қаратган
Ҳанде Эрчел асосан реклама шартномалари ва ҳит бўлиши аниқ бўлган лойиҳаларда иштирок этишга устувор аҳамият бермоқда. Бу эса унга аллақачон забт этган мартаба чўққисида янада мустаҳкам жойлашишга ёрдам беради. Актриса ўзини янги образларда синаб кўрмоқда, аммо сўнгги иккита лойиҳасида унинг образлари бир-бирига ўхшаш бўлиб чиққан.
Изоҳ (0)