Яқин Шарқдаги инқирозни ҳал қилиш пойтахти Шарқий Қуддусда бўлган мустақил Фаластин давлати тузилгандан кейингина мумкин бўлади.
Бу ҳақда Туркия президенти Ражаб Тоййиб Эрдўғон “БРИКС плюс” форматидаги кенгайтирилган йиғилишда маълум қилди.
“Биз инқирозни фақат пойтахти Шарқий Қуддусда жойлашган мустақил Фаластин давлатини тузиш орқали ҳал қилиш мумкин, деган хулосадамиз. Бу ягона талаб эмас. Исроилни қурол ва ўқ-дорилар билан таъминлаш минтақадаги инқироз ва беқарорликни янада кучайтиради. Биз Исроилга қурол-яроғ етказиб беришга эмбарго қўйиш ташаббусини илгари сурдик. Биз БРИКСнинг ёрдамига ишонамиз. Минтақада қон тўкилишини тўхтатишимиз керак”, деди у.
Унинг сўзларига кўра, қон тўкилишини, инқирозларни тўхтатмай туриб, тараққиётни таъминлаб бўлмайди.
Аввалроқ Фаластин Соғлиқни сақлаш вазирлиги халқаро ҳамжамиятга оғриқли мурожаат йўллаб, Ғазодаги гуманитар инқироз, айниқса, Исроил қамаллари ва оммавий ҳужумлар давом этаётган эксклавнинг шимолий ҳудудлари ҳақида яна бир бор эслатганди.
“Бизнинг даъватимиз шу: халқимизни ҳимоя қила олмаган, бошпана, озиқ-овқат ва дори-дармон билан таъминлай олмаган жаҳон ҳамжамияти ҳеч бўлмаганда шаҳидларимизнинг жасадларини ёпишимиз учун кафан жўнатишга ҳаракат қилиши керак”, дейилади вазирлик хабарида.
Изоҳ (0)