Бир неча ой олдин Туркия ҳукумати иқтисодиёти ривожланаётган давлатларни бирлаштирган БРИКСга қўшилиш учун расмий ариза топширди, деб хабар берди Bloomberg.
![](/static/2024/09/02/photo_2024-09-02_17-56-29-w6T0TLrf.jpg)
“Туркия НАТО аъзоси сифатида ўз мажбуриятларини бажарган ҳолда, анъанавий Ғарб иттифоқчиларидан ташқарида ҳам ўзининг глобал таъсирини оширишга ва янги алоқалар ўрнатишга интилмоқда”, дейди нашр суҳбатдошлари.
Қайд этишилича, Туркия БРИКСга қўшилиш учун ариза берганининг сабабларидан бири — 2022 йилда Россия-Украина уруши бошланганидан кейин Анқара Москва билан яқин алоқада бўлганлиги сабабли, мамлакатнинг НАТОдаги ҳамкасблари билан келишмовчиликлар бўлган.
Манбаларнинг таъкидлашича, Туркиянинг аризаси мамлакатнинг кўп йиллик саъй-ҳаракатларига қарамай Европа Иттифоқига аъзо бўла олмагани сабабли умидсизликка учраган пайтга тўғри келган.
Мамлакат ТИВ ва президенти изоҳ беришдан бош тортган.
- БРИКС дунёдаги энг йирик ривожланаётган иқтисодиётлар уюшмаси бўлиб, унинг номи гуруҳнинг дастлабки аъзолари Бразилия, Россия, Ҳиндистон, Хитой ва Жанубий Африка номи билан аталган. 2024 йилда Эрон, Бирлашган Араб Амирликлари, Эфиопия ва Миср гуруҳга қўшилган. Жорий йилнинг 22-24 октябрь кунлари Қозондаги саммитда янги кенгайиш кутилмоқда. Гуруҳга қўшилиш истагида бўлган давлатлар орасида Малайзия, Таиланд ва Туркиянинг яқин иттифоқчиси Озарбайжон бор.
Туркия 1999 йилдан бери Европа Иттифоқига аъзоликка расмий номзод бўлиб келмоқда. Туркия ТИВ раҳбари Хоқон Фидан 2024 йил август ойи охирида мамлакатнинг Европа Иттифоқига қўшилиши стратегик мақсад бўлиб қолаётганини айтган.
Изоҳ (0)