Туркиянинг Истанбул шаҳрида 13 ноябрь куни энг оммабоп пиёдалар кўчаларидан бири — Истиқлолда портлаш содир бўлди. Олти киши ҳалок бўлди. Ҳукумат портлашни теракт деб атади ва гумонланувчи қўлга олинганини маълум қилди.
Туркия ички ишлар вазири Сулаймон Сойлу айтишича, қўлга олинган шахс Анқара томонидан террорчилик ташкилоти деб ҳисобланувчи «Курдистон ишчилар партияси»га алоқадор бўлиши мумкин.
Суратда: портлаш юз берган жой атрофи фавқулодда хизматлар ходимлари томонидан ўраб олинмоқда.
Полиция ва криминалистика мутахассислари портлаш юз берган жойда гувоҳлар кўрсатмаларини ва ашёвий далилларни йиғмоқда.
Портлаш оқибатида жабрланган 81 кишининг 50 нафари касалхонадан чиқарилган, беш киши реанимацияда ётибди, икки кишининг аҳволи оғир деб баҳоланмоқда.
Изоҳ (0)