Тошкент шаҳрида пиёдалар учун мўлжалланган зинадан машинада тушган ҳайдовчига чора кўрилди. Бу ҳақда ИИББ ЙҲХБ матбуот хизмати хабар қилди.
Қайд этилишича, Шайхонтоҳур туманидаги кўчалардан бирида Gentra ҳайдовчиси машинага ўрнатилган жиҳозларни синаб кўриш мақсадида автомобилини пиёдалар юриши учун мўлжалланган зинадан пастга ҳайдаб тушган.
“Пиёдалар тушиши керак бўлган жойдан, автомобилда тушганим учун қонун доирасида чақиртиришди. Ўзимизча хавфсизлик қилиб олганмиз, лекин бу қонунга зидлиги хаёлимизда бўлмаган”, дейди қоидабузар ҳайдовчи.
Фуқаронинг содир этган қонунбузарлиги бўйича тегишли баённома расмийлаштирилиб, келгусида бу ишларни такрорламасликлари бўйича тушунтириш ишлари олиб борилган.
Изоҳ (0)