Туркия президенти Ражаб Тоййиб Эрдўғон 23 октябрь куни ТUSAS аэрокосмик компания объектига қилинган ҳужумга муносабат билдирди. Бу ҳақда Anadolu хабар берди.
Сиёсатчи ҳужумдан кейинги дастлабки дақиқаларда Туркия хавфсизлик кучлари зудлик билан ҳаракат қилгани ва террорчиларни зарарсизлантирганини айтди.
Туркияга чўзилган ифлос қўллар синдирилади. Хавфсизлигимизга таҳдид солаётган бирорта ҳам тузилма, террор ташкилоти ёки ёвузлик ўчоғи ўз мақсадига эриша олмайди. Терроризм таҳдидларининг барча турлари ва унинг тарафдорларига қарши курашимиз давом этаверади, деди Туркия президенти.
Эрдоғон Туркия террорчилар ва уларнинг ёрдамчиларига қарши барча турдаги таҳдидларга қарши қатъиятли, кескин ва кўп қиррали курашни давом эттиришини таъкидлади. Туркия президенти терактда ҳалок бўлганларга ҳамдардлик билдирди ва ярадорларнинг тезроқ соғайишини тилади.
Анқарадаги теракт
23 октябрь куни Анқарадаги ТUSAS аэрокосмик корпорация объектига аёл ва эркак қуролли ҳужум уюштирди. Ҳужумни амалга оширганлар зарарсизлантирилди.
Қурбонлар сони 5 кишига етди, ярадорлар эса 22 нафарни ташкил этмоқда. Улардан уч нафари шифохонадан чиқарилган. Туркия Ички ишлар вазири Али Ерликая мамлакатда тақиқланган Курдистон Ишчи партиясини ҳужумда гумон қилмоқда.
Изоҳ (0)