Toyota rasmiy ravishda Land Cruiser 300 yo‘ltanlamasning gibrid versiyasini namoyish qildi. Bu haqda “Korrespondent.net” xabar berdi.
Yangi avtomobil ushbu model tarixidagi eng kuchli modifikatsiyaga ega bo‘lib, 457 ot kuchi va 790 Nm aylanish momentiga ega. Kapot ostida ikkita turbinali 3,5 litrli benzinli V6 dvigatel va unga yordamchi elektromotor joylashgan. Ular 10 pog‘onali avtomat uzatmalar qutisi va to‘liq yurituv tizimi bilan birga ishlaydi.
Avtomobilning batafsil texnik xususiyatlari hozircha e’lon qilinmagan, ammo Toyota Australia vakillarining aytishicha, yangi gibrid versiya shatakka olish yoki tirkama tortish imkoniyatlari bo‘yicha dizelli variantdan kuchliroq bo‘ladi. Shu bilan birga, ayrim cheklovlar ham mavjud, masalan, gibrid LC 300 ning yonilg‘i baki 68 litrni tashkil qiladi, bu esa benzinli versiyadan 80 litr kamroqdir.
Tashqi ko‘rinishda yangi Land Cruiser’ni yangilangan old bamper va orqa eshikdagi “HEV” yozuvi orqali ajratib olish mumkin. Akkumulyatori esa tormozlanganda yig‘ilgan energiya bilan zaryadlanadi. Ya’ni unda plug-in gibridlardagi kabi tashqi quvvat porti mavjud emas.
Salon ichida farqlar asosan uskunalar panelining grafikasi bilan cheklanadi. Bagaj hajmi hozircha oshkor etilmadi, ammo unda rozetka mavjudligi aytib o‘tildi.
Model ilk bor Yaqin Sharqda namoyish qilindi. LC 300 ning boshqa bozorlarda ham savdoga chiqarilishi kutilmoqda. Birlashgan Arab Amirliklarida Land Cruiser Hybrid’ni allaqachon buyurtma qilish mumkin. VXR bazaviy to‘plami 106 200 dollardan boshlanadi, GR-Sport versiyasi esa 111 600 dollar atrofida baholanadi.
Bundan tashqari, gibrid model 2026-yilning birinchi yarmida Avstraliya bozorlarida ham paydo bo‘lishi kutilmoqda.
Izoh (0)