Michigan shtatidagi Tesla Cybertruck pikapi egasi kutilmagan sabab tufayli avtomobilining kuzovi buzilganidan shikoyat qildi. Uning so‘zlariga ko‘ra, Tesla’ning tashqi qismini oddiy daraxt shirasidan tozalab bo‘lmayapti. Erkak barcha dog‘ni bartaraf etadigan vositalarni sinab ko‘rdi, ammo unga hatto rasmiy diler markazi ham yordam bera olmadi.
Trevis Stoliker Cybertruck’ning zanglamas po‘lat qoplamasida daraxt shirasi va qatronidan qolgan tomchilarni ko‘rib qolgan. Ularni oddiy avtomobil shampuni, spirt va maxsus kimyoviy vositalar yordamida tozalashga harakat qilgan. Biroq izlar ketmagan.
Diler esa faqat Tesla’ning rasmiy avtokimyoviy tozalash vositalarini tavsiya qilgan. Bu vositalar aslida oddiy do‘konlarda sotiladiganlari bilan tarkibi bir xil. Ularning so‘zlariga ko‘ra, ishlab chiqaruvchilar pikapning nostandart va bo‘yalmagan panellariga qanday parvarish ko‘rsatish bo‘yicha hech qanday ko‘rsatma berilmaydi.
Stoliker o‘zining muammosi haqida Cybertruck xaridorlari birlashgan forumida bo‘lishdi. Boshqa haydovchilar ham kuzovda qush axlati kabi dog‘lar paydo bo‘lganda ularni olib tashlash qiyinligi haqida shikoyat qilishgan.
Rasmiylar muammoni tan olgan, lekin uni hal qilish uchun aniq ko‘rsatmalar yoki maxsus vositalar yo‘qligini ma’lum qilgan.
Izoh (0)