Dastlab mohir bodibilder sifatida tanilgan, “Terminator”, “Yirtqich” va “Qizil jazirama” kabi ajoyib jangari filmlardagi rollari tufayli xalqaro yulduzga aylangan 77 yoshli Shvarsenegger o‘zining qimmatbaho avtomobilini sotuvga qo‘ydi.
Uning dunyodagi eng kuchli va eksklyuziv superkarlardan biri bo‘lgan noyob Bugatti Veyron Grand Sport Vitesse avtomobili 1200 ot kuchi hamda W16 dvigateliga ega. 1500 Nm aylanish momenti bilan jihozlangan bu mashina atigi 92 dona tirajda ishlab chiqarilgan bo‘lib, Gollivudda hashamat timsoli sanaladi.
Mazkur avtomobil shaxsan Shvarsenegger tomonidan alohida buyurtma asosida tyuning qilingan. Bugatti White Silver Metallic rangdagi eksklyuziv bo‘yoq bilan qoplangan, salon esa Havana brendi terisidan ishlangan material bilan jihozlangan. Avtomobil aktyor tomonidan Kaliforniyada gubernatorlik qilgan davrida foydalanilgan bo‘lsa-da, atigi 10 000 kilometr yo‘l bosgan, shu sababli superkar deyarli yangi holatda saqlangan.
Garchi avtomobilning aniq narx e’lon qilinmagan bo‘lsa-da, Shvarsenegger ushbu model uchun 2,5 million dollar to‘lagan. Demak, avtomobil bundan ham yuqori bahoga sotilishi mumkin, chunki Bugatti Veyron Grand Sport Vitesse qimmatbaho avtomobillarni kolleksiya qiladigan shaxslar orasida alohida ahamiyatga ega.
Biroq bunday avtomobilga xizmat ko‘rsatish xarajatlariga katta mablag‘ talab qiladi. Masalan, Bugatti’da moy almashtirish narxi yangi bir avtomobil bahosiga teng bo‘lishi mumkin.
Izoh (0)