Gollivud yulduzi Uill Smitning 2,5 mln dollarlik g‘ildirakli uyiga sayohat

Uill Smit — “Qora kiyimli odamlar” va “Men afsonaman” filmlarining yulduzi, g‘ildirakli eng hashamatli uylardan biriga egalik qiladi. Gollivud yulduzi Uill Smit — amerikalik aktyor, rejissyor va hip-hop ijrochisi bo‘lib u ikkita “Oskar” mukofotiga nomzod, besh karra “Oltin globus” mukofotiga nomzod va “Gremmi” mukofoti sohibidir. Uning g‘ildirakli uyi o‘z maqomiga mos keladi va o‘lchamlari hamda jihozlari bilan hayratda qoldiradi.

Uillning avtomashina uyi Heat (Issiqlik) deb nomlanadi va o‘lchamlari bo‘yicha anʼanaviy avtomashina uylariga qaraganda yuk mashinasiga yaqinroq. G‘ildirakli ikki qavatli uyning gabariti 16 metr, balandligi 4,75 metr, og‘irligi 35 tonnadan ortiq. Quyida Gollivud yulduzining avtouyi ichidagi eng ajoyib muhandislik va dizayn yechimlari bilan bo‘lishdik.

Avtouyining maydoni — 115 m2

115 kvadrat metr maydonga ega g‘ildirakli uyda bir nechta xonalar mavjud bo‘lib, ularga Uillning butun oilasi joylashishi mumkin. Avtouy mebel va jihozlar bilan taʼmirlangan va aktyorga dam olish yoki gastrol paytida zarur darajadagi qulaylikni taʼminlaydi.

Avtouyning 22 ta g‘ildiragi bor

Bunday o‘lchamdagi avtouyni harakatga keltirish uchun juda katta kuch talab qiladi. Yo‘l qoplamasiga yukni belgilangan meʼyorlar doirasida bir tekis taqsimlash uchun esa ko‘p sonli g‘ildiraklar kerak bo‘ladi.

Avtomobil uyida 14 ta teleekran o‘rnatilgan

Uill bir vaqtning o‘zida 14 xil film tomosha qilishi mumkin. Ko‘ngilochar funksiyalardan tashqari, avtouydagi televizor ekranlari aqlli uyning turli tizimlarini boshqarish uchun axborot displeylari sifatida ham xizmat qiladi.

Charm bilan qoplagan mebellar

Avtomobil uyining mebeli va jihozlari tabiiy charm bilan qoplangan. Umuman olganda avtouydagi butun charm qoplama 30 000 dollardan ortiq turadi.

Zamonaviy texnologiyalarning ko‘pligi

Ushbu g‘ildirakli yuqori texnologiyali uyda haqiqatan ham zamonaviy uskunalar va turli xil tizimlar to‘plami mavjud: sunʼiy yo‘ldosh aloqasi va televideniye, videokuzatuv, iqlim nazorati, aqlli uy hamda boshqalar shular jumlasidandir. Avtouyga 125 000 dollarlik uskunalar o‘rnatilgan.

Keng va funksional oshxona

G‘ildirakli uyning ko‘zga tashlanadigan yana bir qismi — bu oshxonadir. Oddiy g‘ildirakli uylardan farqli o‘laroq, bu yerda oshxona jihozlari hashamatli bo‘lib, Uill Smitga bunday oshxona 200 000 dollarga tushdi. Qimmatbaho daraxt turlaridan yasalgan bezaklar, granit stollar, zamonaviy oshxona jihozlari va ulkan saqlash joylari — bularning barchasi sayohatda maksimal qulaylik yaratishga xizmat qiladi.

Zamonaviy vannaxona

Ushbu avtouyning yuvinish xonasini jihozlash aktyorga rekord darajadagi pulga 30 000 dollarga tushdi. Vannaxonadagi maxsus dush xonasi maxsus tugma bosilganda xiralanuvchi oyna bilan jihozlangan.

10 kishilik kinozal

Uillning avto uyi ichida to‘liq kinoteatr mavjud bo‘lib, u yerda 10 nafar tomoshabin bemalol joylashishi mumkin. Zal eng zamonaviy qulayliklarga to‘la: diagonali besh metrli ekran, kuchli hajmli ovoz, tabiiy charm bilan qoplangan qulay massaj kreslolari va, albatta, pop-korn pishirish apparati hamda mini-bar ham bor.

Uill Smit avto uyining narxi — 2 500 000 dollar

Ushbu “kamtarona” summaga Lamborghini kompaniyasining o‘nta Urus krossoverini sotib olish mumkin. Ehtimol, Uill Smit avtomashinasining narxi juda yuqori bo‘lib tuyulishi mumkin, ammo qulaylik va xavfsizlik arzon bo‘lishi mumkin emas.

Aytgancha, bu g‘ildirakli uy ishlab chiqaruvchisi shunga o‘xshash, ammo jihozlanishi jihatidan unchalik hashamatli bo‘lmagan avtouyni kuniga 9 000 dollarga ijaraga beradi.