Toshkent xalqaro aeroporti bojxonachilari tomonidan Myunxenga uchayotgan fuqaroda tilla piyola borligi aniqlandi, deb xabar bermoqda “Toshkent-AERO”.
Ta’kidlanishicha, Islom Karimov nomidagi Toshkent xalqaro aeroporti chegara bojxona posti xodimlari yana bir bojxona qonunbuzilishi holatiga chek qo‘ydi. Toshkentdan Myunxen shahriga uchib ketayotgan O‘zbekiston fuqarosi yuklari orasiga qiymati 135 mln 200 ming so‘mlik, taxminiy og‘irligi esa 104 grammni tashkil etuvchi sariq rangli metalldan yasalgan 750 probali 1 dona piyolani yashirib olib o‘tmoqchi bo‘lgan.
Biroq u shu vaqtda bojxona xodimlari tomonidan to‘xtatib qolingan. Holat yuzasidan surishtiruv harakatlari olib borilmoqda.
Izoh (0)