Land Rover o‘zining eng mashhur modellaridan bo‘lgan Defender’ning yangilangan versiyasini taqdim etdi. Uning tashqi dizayni biroz o‘zgartirildi, salonga yangi multimedia tizimi qo‘shildi va haydovchi xavfsizligini oshiruvchi ilg‘or texnologiyalar bilan boyitildi.
Yangilangan Defender’da asosiy faralar yangi shaklga ega bo‘lib, ularning markaziy elementi kichraytirildi. Orqa chiroqlar biroz qoraytirilgan (tonirovka) ko‘rinishga ega, bu esa avtomobilga sport uslubiga xos ko‘rinish beradi.
Endilikda barcha komplektatsiyalarda qora old panjara standart tarzda birgalikda ishlab chiqariladi, old va orqa bamperlar kumushrang yoki kulrang rangga bo‘yaladi.
Salonning eng e’tiborga molik yangiligi bu 13,1 dyuymli sensorli ekranga ega yangi multimedia tizimidir. Shuningdek, Yangi Defender’da haydovchi e’tiborini nazorat qilish tizimi — infraqizil kamera ham joriy etildi. Kamera rul kolonkasiga joylashtirilgan bo‘lib, haydovchining charchagani yoki chalg‘igani aniqlansa, ovozli va vizual ogohlantirish beradi. Buni foydalanuvchi xohishga ko‘ra sozlashi yoki butunlay o‘chirib qo‘yishi mumkin.
Bundan tashqari, ilk bor Defender’da tekis yo‘lsiz joylar (off-road) uchun moslashgan adaptiv kruiz-nazorat tizimi mavjud. Bu texnologiya murakkab relyeflarda harakatlanayotganda avtomobilning tezligini va oldindagi to‘siqlargacha bo‘lgan masofani avtomatik ravishda boshqaradi.
Hozircha Land Rover dvigatel liniyasida o‘zgarishlar haqida ma’lumot bermagan. Shuning uchun avvalgi variantlar qoldirilishi kutilmoqda:
- 3,0 litrli dizel olti silindrli dvigatel — 246 yoki 345 ot kuchi;
- 2,0 litrli benzinli plug-in gibrid — 296 ot kuchi, elektrda harakatlanish zaxirasi 48 km gacha;
- 5,0 litrli benzinli V8 — 419, 493 hamda 518 ot kuchi.
Defender’ning flagman versiyasi Octa esa avvalgidek texnik imkoniyatlar bilan taqdim etiladi. Yevropa bozorida yangilangan Defender’ning boshlang‘ich narxi 70 ming dollardan boshlanadi.
Izoh (0)