Italiyaning Automobili Lamborghini mashina ishlab chiqaruvchisi o‘zining Temerario gibrid superkarini rasman taqdim etdi. Premyera Toronto (Kanada)dagi Ricardaʼs restoranida yopiq tadbir davomida bo‘lib o‘tdi. Yangilikni shaxsan Automobili Lamborghini Americas’ning bosh direktori Andrea Baldi taqdim etdi.
Superkar uchta elektr motor bilan birgalikda 907 ot kuchiga ega bo‘lgan mutlaqo yangi ikki turbo V8 dvigatelini oldi. Bu 10 000 aylanish tezligiga erisha oladigan birinchi seriyalik V8 bo‘lib, 2,7 soniyada 0-100 km/soat tezlikka erishish va 340 km/soatdan yuqori maksimal tezlikni taʼminlaydi.
Temerario Lamborghini tomonidan 2021-yilda eʼlon qilingan Direzione Cor Tauri strategiyasining yakuniy bosqichi bo‘ldi. Ushbu model brendning barcha model qatorini to‘liq gibridizatsiyalanganini anglatadi.
Avtomobil Italiyaning SantʼAgata Bolognese shahrida, Lamborghini anʼanaviy uyi bo‘lgan joyda ishlab chiqilgan va yig‘ilgan.
Kompaniya o‘sish bosqichida: 2024-yilda Lamborghini 10 687 ta avtomobil yetkazib berish bilan yangi rekord o‘rnatdi, bu o‘tgan yilga nisbatan 5,7 foizdan ko‘p. Yangi Temerario va Direzione Cor Tauri strategiyasi bilan brend 2030-yilga borib har bir avtomobil uchun chiqindilarni 40 foizga kamaytirishni rejalashtirmoqda.
Lamborghini Temerario’ni yetkazib berish 2026-yilda boshlanadi. Avtomobilning tavsiya etilgan chakana narxi 311580 dollarni tashkil etadi.
Izoh (0)