Isroil G‘azo sektoridagi harbiy operatsiya davomida AQSHdan 90 ming tonnadan ortiq harbiy yukni qabul qildi. Bu haqda Isroil Mudofaa vazirligi matbuot xizmati ma’lum qildi.
Vazirlik bayonotiga ko‘ra, 27-may kuni ertalab Isroilga Amerika harbiy anjomlari ortilgan 800-samolyot yetib kelgan. Ushbu hisob 2023-yilning oktyabrdan yuritib kelinmoqda. O‘shanda HAMAS harakatiga mansub falastinlik jangarilar hujumiga javoban Isroil anklavda keng ko‘lamli harbiy operatsiyani boshlagan bo‘lib, u hozirga qadar davom etmoqda.
Havo yo‘li orqali yetkazib berishdan tashqari, Isroil shu vaqt mobaynida AQSHdan harbiy yuklar ortilgan 140 ga yaqin kemani ham qabul qilgan. Amerikadan yahudiy davlati o‘q-dorilar, zirhli texnikalar, himoya vositalari va dori-darmonlarni olgan.
Mudofaa vazirligi ushbu yetkazib berishlarni Isroil armiyasining “operatsiyalar uzluksizligini ta’minlash, uning oldiga qo‘yilgan vazifalarni bajarish va jangovar tayyorgarlikni mustahkamlash uchun hayotiy muhim” deb baholagan.
Shu kunga qadar Isroilning G‘azoga hujumlari oqibatida 54 mingdan ortiq falastinlik, asosan ayollar va bolalar halok bo‘ldi.
Bundan avval, Isroil xavfsizlik vazirligi G‘azo sektorining bosib olingan G‘arbiy Sohilida 22 ta yangi noqonuniy aholi punktlari qurilishini ma’qullagani xabar qilingandi.
Isroil mudofaa armiyasining barcha muntazam piyoda va zirhli brigadalari G‘azo sektoriga joylashtirdi.
Izoh (0)