Исроил Ғазо секторидаги ҳарбий операция давомида АҚШдан 90 минг тоннадан ортиқ ҳарбий юкни қабул қилди. Бу ҳақда Исроил Мудофаа вазирлиги матбуот хизмати маълум қилди.
Вазирлик баёнотига кўра, 27 май куни эрталаб Исроилга Америка ҳарбий анжомлари ортилган 800-самолёт етиб келган. Ушбу ҳисоб 2023 йилнинг октябрдан юритиб келинмоқда. Ўшанда ҲАМАС ҳаракатига мансуб фаластинлик жангарилар ҳужумига жавобан Исроил анклавда кенг кўламли ҳарбий операцияни бошлаган бўлиб, у ҳозирга қадар давом этмоқда.
Ҳаво йўли орқали етказиб беришдан ташқари, Исроил шу вақт мобайнида АҚШдан ҳарбий юклар ортилган 140 га яқин кемани ҳам қабул қилган. Америкадан яҳудий давлати ўқ-дорилар, зирҳли техникалар, ҳимоя воситалари ва дори-дармонларни олган.
Мудофаа вазирлиги ушбу етказиб беришларни Исроил армиясининг “операциялар узлуксизлигини таъминлаш, унинг олдига қўйилган вазифаларни бажариш ва жанговар тайёргарликни мустаҳкамлаш учун ҳаётий муҳим” деб баҳолаган.
Шу кунга қадар Исроилнинг Ғазога ҳужумлари оқибатида 54 мингдан ортиқ фаластинлик, асосан аёллар ва болалар ҳалок бўлди.
Бундан аввал, Исроил хавфсизлик вазирлиги Ғазо секторининг босиб олинган Ғарбий Соҳилида 22 та янги ноқонуний аҳоли пунктлари қурилишини маъқуллагани хабар қилинганди.
Исроил мудофаа армиясининг барча мунтазам пиёда ва зирҳли бригадалари Ғазо секторига жойлаштирди.
Изоҳ (0)