9 oylik tanaffusdan keyin AQSHdan Isroilga 2000 funtlik MK-84 bombalar partiyasi yetib keldi. Amerika prezidenti Donald Tramp sobiq yetakchi Jo Baydenning 2024-yil mayidan buyon amalda bo‘lgan og‘ir qurollar yetkazib berishga qo‘ygan taqiqini bekor qildi.
Ma’lum qilinishicha, 15-fevral kuni kechasi og‘ir aviabombalar ortilgan kema Ashdod portiga yetib kelgan. O‘q-dorilar tezda tushirilib, havo kuchlari bazalariga yetkazilgan. Isroil Mudofaa vazirligining xabariga ko‘ra, yuk o‘nlab yuk mashinalarida tashilgan, logistika ishlari esa isroillik va amerikalik mutaxassislar hamkorligida amalga oshirilgan.
Vazirlik ma’lumotlariga ko‘ra, urush boshlanganidan beri Isroilga jami 76 ming tonnadan ortiq harbiy texnika yetkazib berilgan. Bu mamlakat tarixidagi eng yirik havo va dengiz orqali qurol-yarog‘ yetkazib berish operatsiyasi bo‘ldi.
Isroil mudofaa vaziri Isroil Kats Tramp ma’muriyatiga qo‘llab-quvvatlagani uchun minnatdorchilik bildirdi.
Bugun tunda Isroilga yetib kelgan va Tramp ma’muriyati tomonidan ruxsat berilgan o‘q-dorilar yetkazib berilishi bizning harbiy-havo kuchlarimiz va armiyamiz uchun sezilarli kuchayishdir. Bu, shuningdek, Isroil hamda Qo‘shma Shtatlar o‘rtasidagi mustahkam ittifoqning yana bir dalilidir, dedi Kats.
U AQSH mudofaa vaziri Pit Hegset bilan so‘nggi suhbatida Vashington bundan keyin ham Isroilni himoya qilish uchun zarur bo‘lgan barcha qurol-yarog‘ bilan ta’minlashi haqida kafolat olgani haqida qo‘shimcha qildi.
Ta’minot Isroil mudofaa armiyasi G‘azoda jangovar harakatlarni qayta boshlash imkoniyatini ko‘rib chiqayotgan paytda keltirildi. Yaqin ikki hafta ichida, agar HAMAS garovga olinganlarni topshirishni to‘xtatsa yoki ozod qilishning keyingi bosqichlari bo‘yicha muzokaralar muvaffaqiyatsizlikka uchrasa, Isroil armiyasi yana hujumga o‘tishi mumkin.
Mudofaa vazirligi armiya uchun o‘q-dorilar yetkazib berishni davom ettirmoqda. Bugungi kunga qadar Isroilga 76 ming tonnadan ortiq harbiy texnika 678 ta aviareys va 129 ta dengiz kemasi orqali yetkazib berilgan. Bu mamlakat tarixidagi eng yirik havo va dengiz orqali yetkazib berish operatsiyasidir.
Nima uchun Bayden qurol yetkazib berishni to‘xtatib qo‘ydi?
2024-yil 6-mayda Isroil armiyasi Rafahga hujum boshlaganida boshlaganidan so‘ng Bayden ma’muriyati qurol yetkazib berishni to‘xtatgan edi. O‘shanda AQSH hujumga qarshi chiqib, bosqinlar falastinlik tinch aholi orasida ommaviy qurbonlarga olib kelishidan xavotir bildirgan edi. Bayden shaxsan ba’zi turdagi qurollarni, jumladan, 2000 funtlik MK-84 bombalarini yetkazib berishni to‘xtatishga buyruq bergan. Bu Isroilning harakatlaridan norozilik belgisi, shuningdek, agar qurbonlar soni haddan tashqari ko‘payib ketsa, AQSH harbiy yordamni butunlay to‘xtatishi mumkinligi haqida ogohlantirish bo‘lgan.
Cheklovlarning bir qismi 2024-yil iyun oyida, o‘sha paytdagi Isroil mudofaa vaziri Yoav Gallant Vashingtonga tashrif buyurganida bekor qilingan edi.
Biroq sentyabr oyida bosh vazir Benyamin Netanyaxu Baydenni sustkashlik qilayotgani uchun tanqid qilib, G‘azo boshqaruvini Falastin ma’muriyatiga topshirish rejalari bo‘yicha uning jamoasi bilan ochiqchasiga bahslashdi. Shundan so‘ng AQSH yana og‘ir o‘q-dorilar yetkazib berishni to‘xtatdi.
Trampning saylovdagi g‘alabasi vaziyatni butunlay o‘zgartirdi
2025-yil 20-yanvarda AQSHning amaldagi rahbari taqiqni rasman bekor qildi va endi bombalarning birinchi partiyalari allaqachon Isroilga yetib keldi.
Izoh (0)