Isroil parlamentida G‘azoga hujumni va odamlar o‘ldirilishini qoralagan deputat Ayman Oda kuch bilan minbardan olib ketildi. Bu haqda The Guardian xabar berdi.
Hodisa 21-may kuni Knessetda (parlament) yuz bergan. Ayman Oda bir yarim yillik urush davomida 19 ming bola o‘ldirilganini aytgan.
G‘azoda 53 ming kishi halok bo‘ldi. Siz barcha universitet va shifoxonalarni vayron qildingiz. Bularning barchasi siyosiy g‘alabasiz. Siz o‘zining g‘alaba yo‘qligini his qilasizmi? Nega aqldan ozyapsiz? Nega bu qadar ojizsiz? Faqat o‘lim, vayron bo‘lgan shifoxonalar va universitetlar... Faqat tinch aholiga, begunoh odamlarga qarshi urush. Bularning barchasini siz amalga oshirmoqdasiz. Siz ojizsizlar, degan Ayman Oda parlamentdagi nutqida.
Isroil deputati 20-may kuni ham parlamentda G‘azodagi qirg‘inni qoralab nutq so‘zlagandi. U “hukumatga va uning G‘azodagi jinoyatlariga qarshi haqiqiy muxolifat” bo‘lishga chaqirgan.
Armiya — bu jinoyat, o‘ldirish, qotillik, bu qirg‘in, deya baqirgan u.
Ayman Odaning bayonoti boshqa deputatlarning qattiq e’tiroziga sabab bo‘lgan. O‘shanda ham u Knesset majlisidan chiqarib yuborilgan. Bunga javoban, deputatning “Hadash” partiyasi parlament amalda urushga qarshi nutqlarning oldini olayotganini ma’lum qilgan.
Isroilning G‘azoga qarshi urushi oqibatida kamida 53 655 nafar falastinlik halok bo‘ldi, 121 950 nafari yaralandi. Bedarak yo‘qolgan minglab odamlar vayronalar ostida bo‘lishi mumkin. Ular bilan qurbonlar soni 61,7 mingdan ortiq kishiga yetishi maʼlum qilindi.
Izoh (0)