• Profilga Kirish
  • 1744009905_435.svg 1744009905_642.svg

  • So‘nggi yangiliklar
  • Asosiy yangiliklar
  • Eng ko‘p o‘qilgan
  • Kolumnistlar
Ўзбекча
Русский
English
  • O'zb
  • Ўзб
  • Рус
  • Eng
  • O'zb
  • Ўзб
  • Рус
  • Eng
  • So‘nggi yangiliklar
  • Asosiy yangiliklar
  • Eng ko‘p o‘qilgan
  • Kolumnistlar
    • USD12557.56
    • RUB159.44
    • EUR14809.13
    • Google play
    • App Store
    • Telegram
    • Toshkentda
      +44°C
      • Andijon
      • Qarshi
      • Buxoro
      • Samarqand
      • Farg‘ona
      • Sirdaryo
      • Jizzax
      • Termiz
      • Namangan
      • Toshkent
      • Navoiy
      • Toshkent vil
      • Nukus
      • Urganch
    • Daryo
      • Internet-nashr
      • Tahririyat haqida
      • Aloqa ma'lumotlari
      • Foydalanish shartlari
      • Maxfiylik siyosati
      • Yangiliklar arxivi
    • Reklama
    • Ijtimoiy tarmoqlar
      • Instagram | Rasmiy
      • Instagram | Lifestyle
      • Instagram | Sport
      • Facebook | Rasmiy
      • OK | Rasmiy
      • YouTube | Daryo
      • YouTube | Daryo Rus tilida
      • YouTube | Daryo Global
    Telegram Youtube Facebook Instagram Twitter vkontakte
    Daryo logo white
    • O‘zbekiston
      • Boshqalar
      • Navoiy
      • Toshkent viloyati
      • Sirdaryo
      • Jizzax
      • Qashqadaryo
      • Surxondaryo
      • Xorazm
      • Buxoro
      • Samarqand
      • Namangan
      • Farg‘ona
      • Andijon
      • Qoraqalpog‘iston
      • Toshkent sh.
      • Mehridaryo
      • Ob-havo
    • Markaziy Osiyo
      • O‘zbekiston (Mahalliy)
      • Afg'oniston
      • Qirg‘iziston
      • Qozog‘iston
      • Turkmaniston
      • Tojikiston
    • Dunyo
    • Pul
      • Biznes
      • Iqtisodiyot
      • Moliya
      • Kripto
    • Madaniyat
      • Kino
      • Kitob
      • Musiqa
      • Shou-biznes
    • Layfstayl
      • Ayollar sahifasi
        • Farzand
        • Go‘zallik
        • Karyera
        • Maslahatlar
        • Moda
        • Retseptlar
      • Texnologiyalar
        • Arxitektura
        • Gadjetlar
        • Ilm-fan
        • Koinot
        • Media
      • Avto
      • Qo‘ziqorin
      • Sayohat
      • Salomatlik
      • Ta’lim
        • Abituriyent
        • Ingliz tilini o’rganamiz
    • Sport
      • Futbol
      • UFC
      • Boks
    infinix
    Daryo.uz - Login
    Daryo.uz Daryo.uz
    Daryo.uz - Login
    Dunyo

    Ham g‘olib, ham mag‘lub: Isroil G‘azoda nimalar yo‘qotdi?

    Isroil va HAMAS 468 kun davom etgan qonli mojarodan so‘ng va nihoyat sulhga kelishdi. AQSH, Qatar va Misr vositachiligida imzolangan bitim garovga olinganlarni ozod qilishni, Isroil qo‘shinlarini anklav hududidan bosqichma-bosqich olib chiqishni nazarda tutadi.

     

    Barchasi qanday boshlangandi?

    7-oktyabr tonggi millionlab insonlar hayotini butunlay o‘zgartirib, domino effektini ishga tushirgan voqea bilan boshlandi. Blokada ostidagi G‘azo sektorini nazorat qiluvchi qurolli guruhlar Isroilga hujum qilib, Beeri, Reim kabi kibbutzlar (aholi maskanlari), shuningdek Sderot va Ofakim shaharlarini egallab oldi.

    Falastinliklar G‘azo va Isroilni ajratib turuvchi chegarani buzib o‘tmoqda.
    Foto: Reuters

    “Aqso to‘foni” nomli operatsiya Isroil armiyasi, eng avvalo xavfsizlik tuzilmasidagi zaif tomonlarni ko‘rsatib berdi. HAMAS va “Falastin islomiy jihod” kabi qurolli harakatlar kutilmaganda boshlagan hujum xaos keltirib chiqardi. Tartibsizliklar vaqti 1300 ga yaqin isroillik, jumladan harbiylar va tinch aholi halok bo‘ldi. Yana 200 nafar isroillik garovga olindi. 

    HAMAS jangchilari Isroilga paraplanlar bilan hujum qildi. Bu ularga uzoq masofani hech qanday to‘siqlarsiz bosib o‘tishga yordam berdi.
    Foto: Videodan kadr

    Isroil tomoni bergan talafotlarning eng katta qismi 15 oydan beri davom etayotgan mojaroning dastlabki kunlariga to‘g‘ri keladi. Bunga qurolli guruhlar bosqini asosiy sabab bo‘lsa-da, yahudiy jamiyati uchun og‘riqli hisoblangan boshqa omillar ham bor.

    Birovning hisobiga yozilgan “nomer”

    Falastinliklar Isroilga yengil qurollar bilan hujum qildi. Ularning ixtiyorida na tank, na boshqa og‘ir texnikalar bo‘lgan. HAMAS jangchisi RPG-7 granatomyoti va Toyota pikapidan yaxshiroq vositaga ega chiqa olmasdi. Ammo 7-oktyabr kuni Isroilga yetkazilgan zarar Ak-47 alomatiga o‘xshamaydi. Talafot ko‘lami voqeada Apache vertolyotlari va Merkava tanklarining roli borligiga, boshqacha aytganda, Hannibal direktivasiga dalolat qiladi.

    Isroil askarlari Sderot shahridagi politsiya bo‘limi vayronalarini ko‘zdan kechirmoqda.
    Foto: Ronen Zvulun/Reuters

    Ushbu direktivaga ko‘ra, armiya o‘z askarlari asirga tushishining oldini olish uchun kuch ishlatishi mumkin – bu asirlarga zarar yetkazishi xavfi bo‘lsa-da.

    Haaretz ibroniy nashriga ko‘ra, Isroil Mudofaa kuchlari 2023-yilning 7-oktyabr kuni o‘z fuqarolariga qarshi ayni shu direktivani qo‘llagan. Qo‘mondonlik tomonidan berilgan ko‘rsatmaga asosan dastlab HAMAS jangchilari kirib kelgan uchta armiya obyekti – Erez o‘tkazish punkti, Reim bazasi va Nahal Oz posti havodan o‘qqa tutilgan. Shu bilan birga, bo‘linmalar G‘azo tomon birorta ham mashinani o‘tkazmaslik haqida buyruq olgan. Bu esa tabiiyki, HAMAS jangchilari bilan birga, ular tomonidan garovga olingan isroilliklarning ham halok bo‘lishiga olib kelgan.

    Isroilning AH-64 Apache vertolyoti G‘azo tomon yo‘l olgan mashinani nishonga oldi.
    Foto: Videodan kadr

    7-oktyabr kuni yuz bergan eng qonli voqealarning biri Nova musiqa festivali bilan bog‘liq. Ba’zi ma’lumotlarga ko‘ra, bu yerda ikki yuzdan ortiq tinch aholi halok bo‘lgan. Haaretz nashrining yozishicha, ularning ma’lum qismi uchun Isroil vertolyotlari javobgar bo‘lishi mumkin.

    Nova musiqa festivali qatnashchilarining vayron qilingan mashinalari.
    Foto: Tarmoqlardan

    Mazkur iddaoni keyinchalik musiqa festivalidan Kibbutz Beeriga qochib, HAMAS qo‘liga tushgan isroillik Yasmin Po‘lat ham tasdiqladi. Unga ko‘ra, harbiylar o‘zaro otishmada “barchani, jumladan, garovga olinganlarni ham yo‘q qilgan”.

    Yasmin Po‘lat Isroilning 12-Telekanaliga intervyu bermoqda 
    Foto: Videodan kadr

    Keyinchalik BMT va Isroil politsiyasi tomonidan o‘tkazilgan tergovlar bu kabi holatlar haqiqatda yuz berganini tasdiqladi. Ammo mazkur direktiva sabab qurbon bo‘lganlarning asl ko‘lami noma’lum.

    Yuqoridagi kabi da’volar Isroil hukumati HAMASga qarshi keskin harakat qilish uchun ishonch kreditini olishdan manfaatdor bo‘lgani, boshqacha aytganda, qurbonlarni Falastin qurolli harakatlari hisobiga yozib yuborishni maqsad qilgani haqidagi iddaolarga quvvat beradi.

    Partizan urushi – qo‘rqinchli tush

    Isroil Yaqin Sharqning eng texnologik qurolli kuchlari va G‘arbning mislsiz yordamiga ega bo‘lsa-da, HAMAS uning eski raqiblariga o‘xshamaydi. Qurolli harakat strukturasi, aktivlari va mafkurasi bilan muntazam armiyalardan farq qiladi. Yo‘q qilib, ortidan muvaffaqiyat sifatida taqdim etishga arziydigan strategik nishonlari, umuman olganda, vizual aspektlari bo‘lmagan dushmanga qarshi kurash Isroil uchun oson bo‘lmasdi. Shu bois yahudiy davlati avvaliga faqat havo zarbalari bilan cheklandi. Quruqlik bosqini esa qariyb bir oy davom etgan tayyorgarlikdan so‘ng boshlandi.

    G‘azo sektori Isroil havo kuchlarining navbatdagi zarbasidan so‘ng
    Foto: Yousef Massoud

    G‘arb unga misli ko‘rilmagan ishonch kreditini bildirib turgan vaqti qulay fursatdan foydalanmay, quruqlik bosqinini ortga surar ekan, Isroilning bunga adekvat sabablari bor edi. Boisi G‘azo ostida yana bir shahar – Yer osti saltanati bo‘lib, yuzlab kilometrlarga cho‘zilgan tunnellar tarmog‘i qurol-yarog‘, jumladan raketa arsenalini saqlashga yordam berardi. Qolaversa, HAMAS ulardan qurol-aslaha ishlab chiqaruvchi ustaxonalar faoliyatini yo‘lga qo‘yishda ham foydalandi.

    HAMAS tomonidan yer osti korxonasida tayyorlanayotgan minomyot snaryadlari
    Foto: Videodan kadr

    Ustiga-ustak, shahar sharoitidagi janglar himoyadagi tomon manfaatiga xizmat qilib, har bir binoni potensial istehkomga, istalgan deraza, darcha, xullas tirqishni esa o‘t ochish nuqtasiga aylantirdi. Zich kvartallar tanklarning manyovr qilish imkoniyatini cheklab, ko‘rish gorizontini toraytirdi. Bundan esa falastinlik merganlar unumli foydalanib qoldi.

    Bularning bari o‘zining ko‘lami ortidan “G‘azo metrosi” nomini olgan murakkab tuzilma (tunnellar) bilan qo‘shilib, HAMASga assimetrik ustunlikka ega dushmani bilan 15 oy jang qilish imkonini berdi. 

    Isroil askarlari HAMAS tomonidan barpo qilingan tunnelda
    Foto: Jon Pol Rathbone/FT

    Absurd maqsad

    Isroil armiyasi G‘azoga bosqinni sektorning shimolidan boshladi. Bayt Honun, Bayt Lahiya hududlarida yashovchi aholi janubga ko‘chirilib, ularning mavzelari tuproqqa qorishtirildi. Isroil Qo‘shma Shtatlarning Vetnamdagi xatolarini takrorlamaslik uchun har bir ko‘cha, har bir uy uchun jang olib bormadi. Buning o‘rniga butun boshli kvartallar yoppasiga portlatib yuborildi.

    Shunga qaramay, G‘azodagi qurolli guruhlarni jangovar kuch sifatida tugatishning imkoni bo‘lmadi. Tinch aholidan misli ko‘rilmagan qurbonlarning berilishi oddiy insonlar orasida dushmanona kayfiyatni kuchaytirib, harakat safiga yangi a‘zolarni yollashga yordam berdi. Buni AQSh Davlat kotibi Entoni Blinken o‘z vakolat muddati yakunlanib borayotgani munosabati bilan qilgan nutqida tasdiqladi.

    “Bizning taxminimizcha, HAMAS urushda yo‘qotganlari bilan bir xil miqdorda yangi a’zolarni yollagan”, - dedi u.

    Isroilning G‘azodagi talafotlari

    Yahudiy davlatining G‘azodagi talafotlari haqida aniq ma‘lumot yo‘q. Ammo armiya tomonidan e’lon qilingan nekrologlar, mediaga sizdirilgan ma’lumotlarga tayanilsa, 400 dan ortiq isroillik uyiga tobutda qaytgan. Ammo raqamlarga shubha bilan qarash uchun ba’zi asoslar bor.

    G‘azodan qaytgandan so‘ng o‘z joniga qasd qilgan Isroil askari Eliran Mizrahining jasadi Quddusdagi harbiylar qabristoniga olib ketilyapti.
    Foto: Yonatan Sindel

    Haaretz nashri kasalxona qaydnomalari va armiya hisobotlarini o‘rganib, bu ikki manba o‘rtasida “tushunarsiz bo'shliq" borligini aniqladi. Sog‘liqni saqlash tizimi ma’lumotlariga ko’ra, yaradorlar soni harbiylar e‘lon qilganidan ikki baravar ko'pdir.   

    G‘azoda yaralangan Isroil askarlari Quddusdagi Shaare Zedek tibbiyot markaziga olib kelinmoqda, 2024-yil, 15-may
    Foto: Chaim Goldberg

    Alohida holatlarga diqqat qaratish orqali Isroil bu urushni qanday olib borgani va nimalarni yo‘qotgani haqida tasavvur hosil qilish mumkin.

    Yahudiy davlati uchun 7-oktyabrdan keyingi eng yomon kun 2024-yilning 22-yanvar hisoblanadi. Isroil tomoni mana shu sananing o‘zida 24 nafar askari, xususan yuqori rutbali zobitlarini yo‘qotgan.

    Isroil Mudofaa kuchlari matbuot kotibi Daniel Hagariyning aytishicha, askarlar G‘azo markazidagi binoni portlatish uchun bomba o‘rnatayotgan vaqt ularga kutilmaganda zarba berilgan. Natijada detonatsiya kelib chiqib, bino ularni bosib qolgan.

    Shu kuni yuz bergan yana bir holatda esa Merkava tankiga RPG granatomyoti bilan zarba berilib, komandir va yana bir askar halok bo‘lgan.   

    Isroil armiyasining Merkava tanki G‘azoda
    Foto: Times of Israel

    Bundan oldinroq, aniqrog‘i 2023-yilning 12-dekabr kuni mana shunday holatlarning yana biri sodir bo‘lgandi. O‘shanda Isroil harbiylari boshqaruvidagi texnika minaga uchrab, kolonnadan ajralib qoldi. Shundan so‘ng HAMAS jangchilari ularni o‘qqa tutib, rasmiy ma’lumotlarga ko‘ra, 10 nafarini o‘ldirgan. Ularning orasida podpolkovnik, mayor rutbasidagi harbiylar bor.

    2024-yilning 15-iyun sanasi Isroil uchun eng qonli kunlarning biri bo‘ldi. Gap shundaki, yana 8 nafar isroillik halok bo‘lganlar ro‘yxatiga qo‘shildi.

    Isroil rasmiylari tomonidan berilgan ma’lumotga ko‘ra, voqeaga muhandislik kuchlariga tegishli “Namer” zirhli transport vositasining HAMAS jangchilari tomonidan o‘qqa tutilishi sabab bo‘lgan. Bu texnika ichidagi portlovchi materiallar bilan ikkilamchi portlashni keltirib chiqargan.

    Isroilning Namer og‘ir zihrli transport vositasi
    Foto: Military Minds

    “Do‘stona o‘t ochish”

    Isroil tomoni anklav hududidagi janglarda bergan talafotlarning taxminan 20 foiziga Falastin qarshilik kuchlari javobgar emas. Ya’ni G‘azoda o‘lgan har besh isroillikning biri “do‘stona otishma” yoxud “baxtsiz hodisalar” qurboni bo‘lgan. Harbiy ekspertlarning ta’kidlashicha, bunday holatlar asosan aloqa va kommunikatsiya tizimidagi muammolar, boshqacha aytganda, o‘zaro muvofiqlik yo‘qligi ortidan vujudga keladi. 2024 -yilning dastlabki kunlarida yuz bergan holat bunga ko‘plab misollardan biridir.

    Gap shundaki, Isroil kuchlari HAMAS tunnellarini yo'q qilish uchun portlovchi moslama o'rnatdi. Biroq portlash uchun belgilangan vaqt kelishidan yarim soat oldin tank ekipajlaridan biri yaqin atrofdagi binoga o‘t ochdi. Bu esa detonatorni faollashtirib, hali xavfsiz masofaga ketib ulgurmagan 6 nafar isroillikni tunnel bilan birga portlatib yubordi.

    Agar rasmiylarga tayanilsa, mojaro boshlanganidan beri 840 nafar isroillik askar va 69 nafar politsiya zobiti halok bo‘lgan. Ularning 405 nafari G‘azoga quruqlik bosqini vaqtida o‘ldirilgan. Biroq masalaning iqtisodiy aspekti ham bor.

    Eng qimmat urush

    Qonli mojaro boshlanganidan bir yil o‘tib, Isroil moliya vaziri Bezazil Smotrich mazkur urush tarixda eng qimmati bo‘lganini aytdi. Unga ko‘ra, mojaro 66 milliard dollarga tushgan. Bu yahudiy davlati YaIM ko‘rsatkichining 10-15 foiziga teng. Biroq zarar ko‘lami harbiy xarajatlar bilan cheklanmaydi.      

    7-oktyabr voqealaridan so‘ng Isroil mudofaa vazirligi 350 ming zaxiradagi askarni, boshqacha aytganda, mehnatga layoqatli aholining qariyb 10 foizini armiyaga chaqirib oldi. Bundan tashqari, G‘azo va Livan bilan chegarada yashovchi yuz mingdan ortiq aholi uylaridan ko‘chirildi.

    7-oktyabr voqealaridan so‘ng Sderot "arvoh shahar"ga aylandi
    Foto: Ibroniy nashrlar

    Qolaversa, G‘azo va G‘arbiy Sohildan kelib, Isroil qurilish sektorida mehnat qilgan falastinliklar chiqarib yuborildi. Bularning bari urush bevosita keltirib chiqargan stresslar bilan qo‘shilib, mamlakat yalpi ichki mahsulotining 20 foizgacha qisqarishiga sabab bo‘ldi.

    Ammo Isroil bergan eng og‘ir talafot moddiy, hatto insoniy ko‘lam bilan o‘lchanmaydi. Yahudiy davlati tarixda eng yaxshi hujjatlashtirilgan va jonli yoritilgan genotsid me’mori sifatida nom qozondi. Bu G‘azodagi voqealarni ijtimoiy tarmoqlar orqali kuzatgan yuz millionlab insonlar qalbida unga nisbatan nafratni avj oldirdi.

    AQSHning yetakchi oliygohlarida boshlanib, “Talabalar bahori” nomini olgan harakat qaror qabul qiluvchilarning yangi avlodi kim tomondaligini ko‘rsatib beradi.

    Kolumbiya universitetida talabalar Falastin xalqiga hamdardlik izhor qilib, lager tashkil etishdi.
    Foto: Stefan Jeremiah/ AP

    Bo‘lajak siyosatchilar, ilmiy va ijtimoiy doiraning shakllanib kelayotgan a’zolari Falastinga bildirgan qo‘llovi uchun politsiyadan yegan kaltaklarini unutmaydi. Buning nomi esa strategik mag‘lubiyat deyiladi.  

    17 yanvar, 19:01   Izoh (0)   11412
    Facebook Twitter LinkedIn Telegram Email
    #Isroil#Falastin#Hamas#Urush

    Izoh (0)

    Kirish
    Javob qoldiring Bekor qilish

    ×Lightbox Image

    Daryo.uz | Sizning muammoingiz yechimi


    Kapitalbank investitsiyalari – O‘zbekiston yoshlari kelajagiga sarmoya


    “O‘zbekgidroenergo” AJning xalqaro kredit reytingi BB (barqaror) darajasiga ko‘tarildi


    “AloqaBank” yoshlar bilan ishlashga oid dasturlarni kengaytirmoqda


    NRG Uzbekistan 60 gektar maydonda "shahar ichida shahar" keng ko‘lamli turar-joy loyihasini ishga tushirmoqda


    Inflyatsiya va jamg‘armalar: Nega pul o‘z qiymatini yo‘qotadi?


    HONOR ilhomlantiruvchi AI texnologiyalarga ega HONOR 400 seriyasini taqdim etdi


    NRG Uzbekistan zamonaviy va keng majmua — Maftun Makon turar joy mavzesini qurish bo‘yicha ulkan loyihani amalga oshirmoqda


    Qashqadaryo va Buxoroda amalga oshirilgan quyosh energiyasi loyihalariga 1 yil to‘lishi munosabati bilan rasmiy tadbir bo‘lib o‘tdi


    Fitch Kapitalbankning reytingini "Ijobiy" prognoz bilan tasdiqladi


    Farg‘ona viloyatida mo‘l hosil: fermerlar 95 sentnerdan ortiq g‘alla yetishtirdi 


    Faqat tekshirilgan foydalanuvchilar: nima uchun to‘lov ilovalari  shaxsni tasdiqlashni so‘raydi


    Smart Business va UZCARD Farg‘ona tadbirkorlari uchun yangi imkoniyatlar eshigini ochmoqda 


    Toshkentda Sting brendi homiyligida "Formula-1" filmining premyerasi bo‘lib o‘tdi


    Fitch Ratings “Biznesni rivojlantirish banki” ATB kredit reytingini oshirdi 


    Hududiy elektr tarmoqlari” AJ Fitch Ratings agentligining xalqaro kredit reytingini “BB, barqaror” darajasiga oshirdi

     

    Tavsiya etamiz

    Isroil AQSHga hujum qilgan kun: o‘nlab amerikaliklarni o‘ldirish bu anglashilmovchilik edimi yoki fitna?

    2 iyul, 19:45

    NATO tarixi – dunyodagi eng qudratli harbiy tashkilotning obro‘si pasaymoqdami?

    26 iyun, 20:31
    Audio Icon

    Joy hammaga yetardi: Jeyms Kemeronga ko‘ra, “Titanik” yo‘lovchilarining omon qolish imkoniyati bo‘lgan

    25 iyun, 23:50

    “Trampning Titanigi to‘xtaydi” — Eron elchisi

    25 iyun, 13:39
     
     
     

    So‘nggi yangiliklarga o‘tish

    “Rossiya Ukraina urushi maqsadlaridan chekinmaydi” — Putin

    Dunyo | 4 iyul, 12:34

    Farg‘ona viloyatida mo‘l hosil: fermerlar 95 sentnerdan ortiq g‘alla yetishtirdi

    Reklama | 4 iyul, 12:00

    Instagram: Dilnoz Hakimovaning qiyofadoshi topildi, Sevara Nazarxon tabiatni asrashga chorladi, Toshkentdagi tadbirda xorijlik mashhurlar jamlandi

    Madaniyat | 4 iyul, 12:28

    Tailandda yangi muvaqqat bosh vazir tayinlandi

    Dunyo | 4 iyul, 12:12

    Bir guruh o‘qituvchilar Maktabgacha va maktab ta’limi vazirligini sudga berdi

    O‘zbekiston | 4 iyul, 11:59

    Mashhur meksikalik bokschi AQSHda qo‘lga olindi

    Sport | 4 iyul, 11:55

    Gitler haqidagi qo‘shiq tufayli Kanye Uestga Avstraliyaga kirish taqiqlandi

    Musiqa | 4 iyul, 11:51

    Gollivud aktyori Maykl Medsen vafot etdi

    Kino | 4 iyul, 11:34
    Daryo About Us

    “Daryo” internet-nashrining (O‘zbekiston matbuot va axborot agentligi (O‘zMAA, hozirgi O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi) tomonidan 13.03.2015 yil sanasida 0944-sonli guvohnoma bilan ommaviy axborot vositasi sifatida ro‘yxatga olingan. Matnli materiallarni to‘liq ko‘chirish yoki qisman iqtibos keltirishga, shuningdek, fotografik, grafik, audio va/yoki videomateriallaridan foydalanishga “daryo.uz” saytiga giperhavola mavjud bo‘lgan va/yoki “Daryo” internet-nashrining muallifligini ko‘rsatuvchi yozuv ilova qilingan taqdirda yo‘l qo‘yiladi. Chop etiladigan ba’zi ma’lumotlar 18 yoshga to‘lmagan foydalanuvchilarga mo‘ljallanmagan bo‘lishi mumkin. Info@daryo.uz

    Telegram Youtube Facebook Instagram Twitter vkontakte

    © «Simple Networking Solutions» MChJ, 2013–2025

    Yosh bo‘yicha cheklov

    Xato topdingizmi? Ctrl+Enter’ni bosing

    • Foydalanish shartlari
    • Maxfiylik siyosati
    • Reklama
    Nimani qidiramiz?

    Sign In or Register

    Xush kelibsiz!

    Tizimga kiring yoki Roʻyxatdan oʻting.

    Google

    yoki E-Pochta orqali

    Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadi

    Roʻyxatdan oʻting

    Roʻyxatdan oʻtganmisiz? Login.

    Google

    yoki E-Pochta orqali

    Sizga parol elektron pochta orqali yuboriladi.

    Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadi

    Matnda xato topdingizmi?

    ×

    Rahmat. Biz sizning xabaringizni oldik va xatoni imkon qadar tezroq tuzatamiz.