Sovet va rus aktyori, rejissyor va ssenarist Dmitriy Iosifov tomoshabinlarning xotirasida abadiy “Buratino sarguzashtlari” (1975) nomli mashhur teleserialdagi Buratino roli bilan muhrlanib qoldi. Bolaligida yog‘ochdan yasalgan bola obrazini gavdalantirgan Iosifov darhol ekran yulduziga aylandi: pozitiv, sho‘x va ko‘zlarida shijoat va nur bilan tanilgan yosh Dmitriy millionlab odamlarning bolalik xotiralarida qoldi.
Buratino roli Dmitriy uchun debyut bo‘lgan. Lekin uning yoshi suratga olish maydonchasidagi murakkab vazifalarni bajarishiga xalaqit bermagan. U kamera qarshisida o‘zini erkin va ko‘p yillik tajribaga egadek tutgan.
Mazkur loyiha tufayli Iosifov faqat mashhurlikka erishdi, balki juda yaxshi daromad ham ko‘rdi. Atigi 9 yoshida u hattoki kattalar orzu qilolmaydigan darajadagi katta pullarni ishlab olgan.
“Lenya Nechayev (film rejissyori) men uchun shaxsiy gonorar stavkasini tuzib bergan edi, o‘sha paytda aktyor bolalar orasida men eng yuqori maoshi — oyiga 100 rubl miqdorda gonorar olganman. Suratga tushish ishlari uchun 600 rubl oldim, so‘ng yana xuddi shuncha miqdorda pulni sahnalashtirish ishlari uchun to‘lashdi. Umumiy hisobda men 1 ming 200 rubl pul ishlab oldim”, deb eslaydi Iosifov.
Taqqoslash uchun: 1970-yillar o‘rtalarida SSSRda o‘rtacha oylik miqdori 150 rubl edi.
“Buratino sarguzashtlari” namoyish etilganidan keyin Iosifov juda ham mashhur bo‘lib ketgan va rejissyorlardan turli takliflar kelib tusha boshlagan. 1977-yilda “Qizil qalpoqcha haqida”, 1981-yilda “Sotilgan kulgi”, 1987-yilda “Oshiq bo‘yoqchi haqida hikoya” va boshqa ko‘plab filmlarda rol o‘ynagan.
Izoh (0)