Ba’zida koreyalik yulduzlarga ham oson emas — agentliklar nafaqat ularning imijini, balki shaxsiy hayotini ham nazorat ostiga oladi. Biroq bu mashhurlar shaxsiy munosabatlarni uyg‘unlashtirishga muvaffaq bo‘lishgan.
Reyn va Kim Txe Xi
Bu juftlik Janubiy Koreyaning shou-biznes sanoatida eng yuqori o‘rinni egallaydi. Ular 2017-yilda turmush qurishgan, hozirda ikki qizni tarbiyalashmoqda. Juftlik yulduzlik karyerasini oilaviy hayot bilan qanday uyg‘unlashtirish mumkinligini namoyish etmoqda. Dunyoga mashhur qo‘shiqchi va aktyor Reyn hamda Janubiy Koreyaning eng ko‘p maosh oluvchi aktrisalaridan biri Kimning taxminiy sof kapitali 100 million AQSH dollaridan oshadi.
Er-xotin ko‘chmas mulkka faol sarmoya kiritmoqda. Masalan, Reyn 5,3 million AQSH dollari qiymatidagi villaga, hatto Seulning badavlat tumanida olti qavatli savdo markaziga egalik qiladi. 2022-yilda Reyn go‘yoki xotiniga xiyonat qilgani haqida mish-mishlar tarqaladi, ammo ularning nikoh hali ham mustahkam.
Son Ye Jin va Xyon Bin
Ekrandagi muhabbat real hayotga ko‘chgan holat. Yulduzlar “Sevgi samodan tushadi” dramasi suratga olish maydonchasida sevishib qoladi. 2022-yil mart oyida ular turmush qurishadi. Ularning to‘yi va farzandining tug‘ilishi so‘nggi paytlarda Koreya shou-biznes sanoatidagi eng yorqin voqeaga aylandi.
Ikkalasi ham o‘z ishi uchun katta gonorar oladigan birinchi darajali aktyorlar: Son Ye Jin har bir epizod uchun taxminan 250 000 AQSH dollar, Xyon Bin ham xuddi shunday stavkaga ega. Aktyorlar Valentino va Tom Ford kabi hashamatli brendlar bilan ham hamkorlik qiladi.
Chxve Txe Chjun va Pak Shin Xe
Bu yulduzlar kollejda birga o‘qishgan, 2017-yilda esa uchrasha boshlashgan. 2022-yilda nikohdan o‘tishadi. Oradan bir necha oy o‘tgach, ularning birinchi farzandi dunyoga keladi.
Ikkala muvaffaqiyatli aktyor ham ayniqsa yosh koreys tomoshabinlari orasida mashhur.
Li Byon Xon va Li Min Chjon
Koreyaning eng mashhur juftliklaridan biri Li Byon Xon va Li Min Chjon 2013-yilda turmush qurgan. Ular 2015-yilda o‘g‘il, 2023-yilda qiz farzandli bo‘lishdi.
Ular o‘rtasida 12 yosh farq bor, ammo bu ularga hech qanday to‘sqinlik qilmadi. Ular tanishganda Li Byon Xon allaqachon mashhur yulduz bo‘lgan, Li Min Chjon esa endigina faoliyatini boshlagandi. Byon Xon Gollivudda “GI Joe: The Cobra Throw” (2009), “GI Joe: Revenge” (2013) va “Terminator: Genesis” (2015) kabi yirik loyihalarda rol o‘ynagan. U, shuningdek, “Kalmar o‘yini” serialidagi roli bilan tanilgan.
Cho Chjon Sok va Gammi
Bu juftlik Koreyadagi eng sevimli juftliklardan biri. Aktyor va qo‘shiqchini 2013-yilda umumiy tanishi uchrashtirgan. 2015-yilda munosabatlarini oshkor qilgunga qadar bir necha yil davomida munosabatlarini sir saqlagan. 2018-yilda Cho va Gammi turmush qurishayotganini e’lon qilishadi. Katta tantana o‘rniga, ular to‘yni kamtarona va tinch o‘tkazishga qaror qilishadi.
2020-yil avgust oyida er-xotin qiz farzandli bo‘ldi. Ular karyeralarini to‘xtatishmadi, har doim bir-birlarini qo‘llab-quvvatlashadi. Masalan, Cho ko‘pincha xotinining musiqasini tinglashini, Gammi esa eri rol o‘ynagan doramalarni yaxshi ko‘rishini aytadi.
Kim U Bin va Shin Min A
Bu sevimli juftlikning bosib o‘tgan yo‘li Koreya shou-biznes sanoatidagi eng ta’sirli hikoyalardan biridir. 2015-yildan beri uchrashib yurgan Kim Vu Bin va Shin Min A bir-biriga bo‘lgan sadoqati bilan tanilgan: Kimda burun-halqum saratoni aniqlanadi. Shin butun davolanish va tiklanish kursi davomida uning yonida bo‘lib, o‘zining doimiy qo‘llab-quvvatlashi bilan hammaning olqishiga sazovor bo‘ldi.
Juftlikning ikkalasi ham muvaffaqiyatli aktyor va model bo‘lib, televideniye, kino va moda sohasida yorqin karyeraga ega.
Izoh (0)