Qay birimiz bolalik va nostalgiya olamiga sho‘ng‘ib, sevimli multfilmlarni qayta-qayta ko‘rishni yaxshi ko‘rmaymiz deysiz? Lekin shu paytgacha sevimli kadrlarda siz e’tibordan chetda qoldirgan haqiqiy xazinalar — yashirin ma’nolar bo‘lsa-chi? Qadrdon multfilmlarga yangicha nigoh bilan qarashga tayyormisiz?
Ariel va Gerkules — qarindosh
Bir qarashda, Ariel va Gerkules o‘rtasida faqat ikkisi ham qudratli oilalarning a’zolari ekanligidan boshqa umumiylik yo‘qqa o‘xshaydi. Biroq yunon mifologiyasiga ko‘ra, Triton Poseydonning o‘g‘li, Poseydon Zevsning ukasi, Zevs esa Gerkulesning otasi. Bu aloqa Gerkules va shoh Tritonni amakivachcha qilib qo‘yadi. Ammo Ariel haqidagi multfilmning o‘zida yunon mifologiyasiga hech qanday ishora yo‘q, “Gerkules” esa uni juda noaniq tasvirlaydi. Shu sababli bu shunchaki muxlislar tomonidan o‘ylab topilgan nazariya bo‘lib, shunga qaramay, mavjud bo‘lish huquqiga ega.
“Gerkules” multfilmida “Qirol sher”dagi Skarga g‘oyat o‘xshash sher terisi ko‘rish mumkin
“Lilo va Stich”da Liloning xonasidagi Dambo o‘yinchog‘ini payqamagandirsiz.
Olouddinning uchar gilami “Malika va baqa” multfilmining aynan boshlanishida paydo bo‘ladi.
“Muzyurak” multfilmida Elzaning toj kiyish marosimidagi Rapunsel
Multfilm avvalida Elzaning toj kiyish marosimidagi qisqa sahnada Rapunzel va Yujinni ko‘rish mumkin. Bu shunchaki tafsilot bo‘lib tuyulishi mumkin, biroq muxlislar orasida bir nazariya mavjud. Unga ko‘ra, Anna va Elza tug‘ishgan opa-singillar, Rapunzel esa ularning amakivachchasi hisoblanadi.
Fonuslar festivalida Rapunzel ota-onasi uchirgan fonusni ushlab oladi
Rapunzel minorasida yashiringan urchiq “Uyqudagi malika” multfilmidagi malika Avroraga ishora qilingan.
“Ratatuy” multfilmidagi Dag laqabli it
“Ratatuy”ning bir kadrida “Tepaga” multfilmidagi Dag laqabli itga juda o‘xshash kuchukning soyasi paydo bo‘ladi va vovullab Remini qo‘rqitadi.
Potts xonim va Chip “Tarzan” multfilmida
“Notr-Damlik bukri” multfilmida Bell Parij bo‘ylab sayr qilmoqda
“Ruhlar olami” multfilmidagi daryo ruhini tozalash sahnasi haqiqiy voqealarga asoslanib yaratilgan.
Daryo ruhi bilan bog‘liq sahnani yapon mifologiyasiga tegishli deb o‘ylash mumkin, ammo bu aslida real voqeaga asoslangan. Intervyularidan birida Hayao Miyazaki ushbu sahna o‘zining shaxsiy tajribasiga asoslanganini aytib o‘tgan. Bir kuni u mahalliy aholi bilan birgalikda daryoni axlatdan tozalashga ko‘ngilli bo‘lgan. Ular orasida velosiped ham bor edi. Ularning sa’y-harakatlari natijasida daryo tozalanadi va baliqlar asta-sekin daryoga qaytadi.
“Ruhlar olami” filmidagi sakrab yuruvchi chiroq — Pixar studiyasiga hurmat belgisi
Pixar ham qarzdor bo‘lib qolmadi va “O‘yinchoqlar tarixi 3” filmiga Totoro o‘yinchog‘ini kiritdi.
“Ruhlar olami” multfilmidagi Dzeniba sovg‘a qilgan soch rezinasi Tixiroda oxirigacha qoladi.
O‘z yo‘lida Tixiro Yubabaning singlisi Dzenibani uchratadi, u Yubabaning butunlay aksi bo‘lgan ayol. Mehribon va g‘amxo‘r kampir qizaloqqa uni himoya qilishi kerak bo‘lgan binafsharang rezinka tasmani sovg‘a qiladi. Tixiro uni film oxirigacha taqib yuradi, buni qizaloq ruhlar dunyosidan chiqib ketayotganda orqaga qaraganida ko‘rish mumkin. Ushbu ajoyib tafsilot Tixironing ruhlar dunyosida o‘tkazgan barcha vaqti tasavvur mahsuli emas, balki haqiqat ekanligini anglatadi.
“Ruhlar olami” multfilmida “Kiki — eltuv xizmati”dagi mushukcha Diki tasvirlangan yostiq
“Ruhlar olami” filmidagi lift sahnasi “Mening qo‘shnim Totoro” filmidagi mashhur soyabon sahnasini aynan takrorlaydi.
Izoh (0)