“Kalmar o‘yini” filmidagi roli uchun “Oltin globus” mukofoti sovrindori bo‘lgan O Yon Su Janubiy Koreyaning Suvon shahri prokuraturasi tomonidan bir ayolga jinsiy zo‘ravonlikda qilganlikda ayblanib, unga bir yillik qamoq jazosi tayinlandi. Bu haqda Korrespondent.net xabar berdi.
Ma’lum qilinishicha, 80 yoshli aktyor 2022-yilning noyabri oyida suratga olish jamoasidagi yosh ayolga tegajog‘lik qilgan. Jabrlanganning so‘zlariga ko‘ra, O Yon Su uni quchoqlab, yuzidan o‘pgan, bularning barchasi uning xohishiga qarshi sodir bo‘lgan. Mazkur holat 2017-yilning avgust-sentyabr oylarida bo‘lib o‘tgan. Bu vaqtda O Yon Su ikki oylik safarda bo‘lgan.
Aktyor bunday ayblov haqiqatdan yiroq ekanligini ta’kidladi va ayolning qo‘lini xuddi otalardek mehribonlik qilish uchun ushlaganini ommaga tushuntirdi.
“Yoshim bir joyga yetganda uyatli ish uchun qamoqqa hukm qilinganimdan o‘zimni juda noqulay his qilyapman. Xuddi butun hayotim barbod bo‘layotgandek go‘yo. Afsus, misqollab yig‘gan obro‘yim bir kunda sarob bo‘ldi”, deydi O Yon Su.
Daily Star xabar berishicha, dastlab sud aktyorga ikki yillik sinov muddati bilan 8 oy qamoq jazosi belgilagan, ammo keyinchalik qarorni qayta ko‘rib chiqib, hozirda unga bir yil qamoqda qolishi buyurilgan.
Prokurorlar aytishicha, teatrda 50 yillik tajribaga ega bo‘lgan aktyor o‘z obro‘sidan foydalangan holda, guruhdagi tajribasiz va so‘zlari o‘tmaydigan yosh ayolga tajovuz qilgan. Qurbon ham ishda, ham shaxsiy hayotida doimiy qo‘rquv va bosimni his qilib yashagan.
Avvalroq Janubiy Koreyaning Suvon shahri prokuraturasi suddan O Yon Suni jinsiy zo‘ravonlik ishi bo‘yicha bir yillik qamoq jazosiga hukm qilishni so‘ragan edi.
O Yon Su “Kalmar o‘yini” filmida tanilishidan avval teatr sohasida faoliyat olib borar edi. U “Kalmar o‘yini” filmidagi roli uchun “Oltin globus” ga sazovor bo‘lgan.
Izoh (0)