Turk aktyor va aktrisalari shaxsiy hayotida ro‘y berayotgan yangiliklar va hozirda yulduzlar nimalar bilan band ekani haqida ma’lumotlarni e’tiboringizga havola qilamiz.
“Eshrefning orzusi” seriali muxlislari Demet O‘zdemirning portretini boshiga chizdirmoqda
Ba’zan tomoshabinlarning sevimli loyihalarga bo‘lgan muhabbati chegaradan oshib ketadi. Ijtimoiy tarmoqlarda sartaroshxonada qilingan ajoyib turmaklar videosi tarqalmoqda: unda mijozlarga Demet O‘zdemir ijrosidagi Nisanning portreti va Eshref bilan yonma-yon turgan mashhur kadri sochlarga chizilmoqda.
“Qo‘rg‘on sirlari” seriali yulduzlari Beril Pozam va Ersin Ariji farzand kutmoqda
“Qo‘rg‘on sirlari” serialida Chingiz rolini ijro etgan aktyor Arif Selchuk ijtimoiy tarmoqlardagi jonli efirda serial aktyorlarning shaxsiy hayotidan ko‘plab sirlarni ochiqlay boshladi. Unda Beril Pozam va Ersin Ariji yaqin kunlarda farzandli bo‘lishi haqida ham aytib o‘tdi. Ammo bu xabarni aktyorlar boshqacha usulda yetkazishni xohlashgan bo‘lishi tabiiy hol, shu sababli Arif tanqidlar ostida qoldi va shaxsiy ma’lumotlarni oshkor qilgani uchun javobgarlikka tortilishi mumkinligi haqida ogohlantirildi.
Pinar Deniz va Kaan Yildirim farzandining ismini oshkor qildi
“Hukm” seriali yulduzi Pinar Deniz va “Uzuk” seriali aktyori Kaan Yildirim 2025-yil 1-aprel kuni ota-onalik maqomiga erishdi. Ular farzandiga bobosi sharafiga Fikret Hakan deb ism qo‘yishdi.
O‘zjan Denizning akasi uni o‘ldirish bilan tahdid qildi
“Alvon g‘unchalar” seriali yulduzi O‘zjan Deniz va uning oilasi o‘rtasidagi ziddiyatlar davom etmoqda. Kuni kecha ijtimoiy tarmoqlarda aktyorning akasi Erkan Denizning audioyozuvlari tarqaldi, unda: “Men seni barchaning oldida otib o‘ldiraman, senga bir hafta vaqt!” deya tahdid qilingan. Shu sababli hozirda Erkan Denizga nisbatan tergov ishlari boshlandi, chunki u O‘zjan tufayli bir vaqtlar pulsiz qolgan edi.
Aktrisa Aybuke Pusat ijtimoiy tarmoqdagi posti sababli “Razvedka” serialidagi rolidan mahrum bo‘ldi
Hozir Turkiyadagi siyosiy vaziyat tufayli turli noroziliklar ko‘paymoqda. Ayrim aktyor va aktrisalar esa o‘zlarining siyosiy fikrlari tufayli ishidan ayrilmoqda. Jumladan, Aybuke Pusat “Razvedka” serialining yangi mavsumida ishtirok etishi kerak edi, biroq u davlat kanali TRT’ni boykot qilishga chaqirgan posti sababli loyihadan chetlashtirildi. Bu voqeadan avval turk jurnalisti Jem Kuchuk uning bu fikrlarini tanqid ostiga olib:
“Non yeb turgan kosangga tupurma!”, degan edi.
Shundan so‘ng Aybuke loyihadan chetlashtirildi, ammo Afra Sarachog‘lu va Kivanch Tatlitug‘ kabi mashhurlar aktrisaning tarafini oldi. Hozirda uni qo‘llab-quvvatlagan “Razvedka” serialining boshqa jamoasi ham ishdan bo‘shatilish xavfi ostida qolmoqda.
Aktrisa Sibel Tashchiog‘lu “Qizil sharbat” serialidan ketmoqda
“Qizil sharbat” serialida uch mavsum davomida tomoshabinlarni g‘azablantirgan Pembe xonim obrazini gavdalantirgan aktrisa loyihadagi faoliyatini yakunladi. Uning serialdagi chiqishi 2025-yil 30-may kuni — uchinchi mavsumning so‘nggi qismida tugaydi.
Izoh (0)