Aktrisa Kim Se Ron vafoti bilan bog‘liq yangiliklar koreys shou-biznesiga qiziqadigan barcha tomoshabinlarni hayratda qoldirdi. Darhaqiqat, Janubiy Koreya kino sanoati iste’dodli aktyorlar va kutilmagan syujetlarga boy dramalardan tashqari, turli mojarolar hamda shov-shuvli voqealar bilan boy.
Foto: People
Pak Min Yong
“Songyungvandagi mojaro” va “Kotiba Kimga nima bo‘ldi?” kabi seriallardagi roli tufayli tanilgan Par Min Yong 2022-yilda jinoyatchilarga yordam berganlikda gumonlanib, qamoqqa tushishiga oz qolgan.
Aslida bunday bo‘lgan edi: Pak nufuzli biznesmen bilan uchrashi, tez orada unga ko‘ngil qo‘yadi. Keyinchalik ma’lum bo‘lishicha, u kriptovalyuta birjasiga ega ekanligi aniqlangan, so‘ng o‘zgalar mablag‘ini o‘zlashtirish va poraxo‘rlik kabi jinoyatlarda ayblanib, hibsga olingan. Ming Yong esa bu ishlarga aralashganlikda gumon qilingan. Aktrisa ikki yil davomida obro‘sini tiklashga harakat qildi va 2024-yilda kinoga qaytdi.
Kim Son Xo
Kim Son Xo 2021-yilda “zapret”ga tushgan. Aktyorning sobiq sevgilisi Chxve ularning o‘zaro munosabatlari haqida ma’lumot bergach, aktyorning millionlab muxlislari undan yuz o‘girgan. Aniqlanishicha, Kim uni haqorat qilgan va hatto undan abort qilishni talab qilgan. Bu xabarlardan so‘ng Kim Son Xo reklama shartnomalarini qo‘ldan boy berdi va mashhur shoularda ishtirok etishi taqiqlandi.
Ma’lum vaqt o‘tgach, Dispatch nashri bu da’volar yolg‘on ekanligi xabar qildi. Ularning ikkisi ham avvaldan abortga rozi bo‘lishgan, Kim Son Xo hatto sharoit taqozosi bilan Chxve bilan turmush qurishga tayyor bo‘lgan. Bu faktlar aniqlanishi bilan Kim Son Xo aktyorlikka qaytdi va obro‘sini tiklab oldi.
Nam Ju Xyok
2020-yilda aktyor va model Nam Ju Xyok bezorilikda ayblangan. Uning sobiq sinfdoshi uni olti yil davomida tahqirlaganini hamda uning psixiatriya klinikasida davolanganini ma’lum qilgan. Ammo Nam Ju Xyokka tegishli agentlik uning sharafini himoya qildi. Aktyorning sinfdoshlari ham uni qo‘llab-quvvatladi. Natijada da’vogarning o‘zi katta miqdorda jarima to‘lashga majbur bo‘ldi.
Son Ha Yun
2024-yil boshida JTBC telekanali aktrisa Son Ha Yun nafaqat ekranda yozuv odamlarni o‘ynay olishi, balki yoshligida maktabdagi sinfdoshlarini ham haqorat qilgani haqida xabar berdi. Yana bir anonim da’vogarning aytishicha, aktrisa 20 yil avval uni bolalar maydonchasida kaltaklagan va boshqa o‘quvchilar ham uning zulmlariga chidab kelgan.
Aktrisaning agentligi bunday ma’lumot tarqatgan odamlar bilan bog‘lana olmadi, lekin Son Ha Yunga nisbatan tomoshabinlar salbiy munosabatda bo‘lishni boshladi.
Li Chje Uk va Karina
Aktyor Li Chje Uk va Aespa guruhining a’zosi Karinaning qisqa davom etgan munosabatlari kuchli nafrat to‘lqinini keltirib chiqargan. Birinchidan, xonandaning muxlislari qallig‘ini unga ravo ko‘rishni istamadi, ikkinchidan, ularni shunchaki piar qilganlikda gumonsirashdi.
Oxir-oqibat Karina o‘z munosabati uchun muxlislaridan ochiqchasiga uzr so‘radi: “Barchangizni hayratda qoldirganimdan juda afsusdaman. Men sizni yana xafa qilishimdan qo‘rqsam ham, buni yozyapman. Xullas, bugun muxlislarimdan chin dildan kechirim so‘rayman” dedi. Aktrisaning o‘zini bunday tutishi yanada ko‘proq salbiy munosabat keltirib chiqardi. Natijada Li Chje Uk va Karina ajrashdi.
Izoh (0)