Bir qancha mashhurlar kino yoki televideniyeda ancha muvaffaqiyatli karyeraga ega bo‘lishiga qaramay, oddiy kasblarni tanlab shou-biznesni tark etdi. O‘z vaqtida taniqli bo‘lgan quyidagi aktyor va aktrisalar hozirda nimalar bilan shug‘ullanayotgani haqida ma’lumot beramiz.
Mara Uilson
Mara Uilson “Missis Dautfayr”, “34-ko‘chadagi mo‘jiza” va “Matilda” kabi filmlarda rol o‘ynab, yoshligidanoq shuhrat qozongan. Kichik aktrisa o‘smirlik yoshiga yetgach, unga deyarli ish taklif qilinmay qo‘ygan. Natijada u Gollivudni tark etib, yozuvchilik faoliyati bilan shug‘ullana boshlagan.
Aleks D. Lints
Aleks D. Lints ham bolaligidan aktyor bo‘lgan. U seriallardan boshlab Mishel Pfayffer va Jorj Kluni bosh rollarda o‘ynagan “Ajoyib kun” filmida ishtirok etdi, so‘ngra “Uyda yolg‘iz 3” filmida bosh qahramonni gavdalantirdi. Ulg‘aygach suratga olish takliflari kamayib ketgach, Aleks Gollivudni tark etdi va hozirda huquqshunoslik sohasida faoliyat yuritmoqda.
Fibi Keyts
“Rijmont Haydagi beparvo kunlar” va “Gremlinlar” filmining ikki qismi orqali mashhur bo‘lgan Fibi Keyts aktyorlik faoliyatini tugatishga qaror qildi. Hozirda u Nyu Yorkdagi Blue Tree nomli butikni boshqarmoqda.
Kerin Parsons
Kerin Parsons Uill Smit ishtirokidagi mashhur “Beverli Hillz shahzodasi” serialidagi Hilari Benks roli bilan tanilgan. Aktrisa Gollivudni tark etib, bolalarga afro-amerikaliklar tarixini o‘rgatadigan kontent yaratuvchi Sweet Blackberry nomli notijorat tashkilotga asos solgan.
Endryu Shu
Mashhur aktrisa Elizabet Shuning ukasi Endryu Shu “Melrouz Pleys” serialining 191-qismida rol ijro etgan hamda boshqa bir qator kino va televideniye loyihalarida qatnashgan. 2006-yilda u boshqa soha bilan shug‘ullanishga qaror qilib, CafeMom veb-saytining hammuassisiga aylangan.
Jennifer Stoun
Jennifer Stoun bir nechta film va seriallarda rolijro etgan, xususan, u “Veyverli Pleys sehrgarlari” serialining 106 ta qismida qatnashgan. Shunday bo‘lsa-da, aktrisa kasb o‘zgartirishga qaror qildi va diplomli hamshira bo‘ldi. Hozirgi kunda Jennifer shifoxonalardan birining tez tibbiy yordam bo‘limida ishlayapti.
Frenki Muniz
2000-yillarning boshida Frenki Muniz eng mashhur aktyor bolalaridan biri edi. Unga “Malkolm diqqat markazida” nomli g‘oyat muvaffaqiyatli oilaviy sitkom shuhrat keltirdi, undan so‘ng “Agent Kody Banks” dilogiyasi va boshqa loyihalar amalga oshirildi. Biroq aktyor yana bir kasb — avtopoyga haydovchisi kasbini o‘zlashtirdi va faqat vaqti-vaqti bilan aktyorlikka qaytardi. Shunday qilib, Frenki hozirda Disney kompaniyasi tomonidan ishlab chiqilayotgan “Malkolm”ning davomida ishtirok etishga rozi bo‘ldi.
Brijit Mendler
Ko‘pchilik Brijit Mendlerni “O‘zingni tut, Charli!” serialidagi asosiy rollardan birini ijro etgani bilan taniydi. Aktrisa shou-biznesni tark etib, Garvard universitetining huquqshunoslik fakultetida yuridik fanlar doktori va Massachusets texnologiya instituti media laboratoriyasida falsafa doktori darajalarini olishga qaror qildi. 2024-yil fevral oyida Brijit o‘zining Northwood Space kosmik startapining bosh direktori lavozimiga tayinlanganini ma’lum qildi.
Rid Aleksandr
“AyKarli” oilaviy sitkomining sakkiz qismida Nevel Pepperman obrazida ko‘ringanidan so‘ng ko‘p o‘tmay, Rid Aleksandr aktyorlik faoliyatini yakunlab, Insider kompaniyasining moliyaviy muxbiri bo‘ldi. Biroq o‘n yil o‘tgach, u “AyKarlining qaytishi” nomli yangi ko‘rsatuvning ikki qismida yana Nevel rolini ijro etish uchun qaytdi.
Maya Bruton
Maya Bruton “Kelajakka qaytish” filmida kichik rol ijro etgan, “Enaganing sarguzashtlari” filmida bosh qahramonlardan biri sifatida qatnashgan va mashhur yoshlar serialining “Parker Lyuis hech qachon yo‘qolmaydi” nomli qismlarida ham ko‘ringan. Biroq u aktrisalikdan ko‘ra boshqa kasbni tanladi va huquqshunos bo‘lishga qaror qildi.
Izoh (0)