Filmlarda turli sabablarga ko‘ra dublyorlar xizmatidan foydalaniladi. Masalan, vaqtni tejash va bir nechta sahnalarni parallel ravishda suratga olish yoki xarajatlarni kamaytirishda dublyorlar yordami kerak bo‘ladi. Ayniqsa, murakkab tryuklarni bajarish kerak bo‘lganda kaskadyorlar ham taklif qilinadi. Ammo tomoshabinlar ko‘pincha filmda sevimli aktyori yoki aktrisasini emas, balki ularning dublyorlarini tomosha qilishayotganini sezmaydilar ham.
“Mumiya qaytmoqda”
Suvga sho‘ng‘ish kerak bo‘lgan sahnalar kinodagi eng qiyin kadrlar hisoblanadi. Bunday sahnalarning xavfli ekanini barcha rejissyorlar ham bilmaydi, biroq Stiven Sommers “Mumiya qaytmoqda” filmining suratga olish maydonchasida aktyorlarni doimo xavfsizlik qoidalariga rioya qiladi. Bosh qahramonlar suv oqimi ostida qoladigan sahnada Brendan Freyzer va Reychel Vays o‘rniga ikkita dublyor qo‘yilgan. Buni hech kim sezmasligi uchun rejissyor bu sahnani bir soniyadan kam davom etadigan vaqtga joylashtirdi. Biroq ziyrak tomoshabinlar buni baribir payqashdi.
“Terminator 2: Qiyomat kuni”
Arnold Shvarsenegger “Terminator 2” filmini suratga olish jarayonida ulkan tajribaga ega sportchi bo‘lganiga qaramay, u o‘z imkoniyatlaridan to‘liq foydalana olmagan. Chunki kinoijodkorlar doim hayotini xavf ostiga qo‘ya olmaydi, shuning uchun ikkinchi qismdagi ko‘plab xavfli sahnalarda Shvarsenegger o‘rniga kaskadyorlar tryuklarni bajargan. Filmning yangi versiyalarida buni payqash qiyin, ammo eski versiyalarda tomoshabin boshqa chehrani sezishi mumkin. Masalan, T-800 Jon bilan mototsiklni minib, uni T-1000 dan qutqarishga harakat qilgan sahnaga e’tibor bering.
“Titanik”
Rouz Jekning oldiga kelib, undan fransuz qizlari kabi suratini chiqib berishini so‘raydi va Jek darhol rozi bo‘ladi, lekin suratni chizgan Di Kaprio emas edi. Filmni tomosha qilganda bosh qahramonning qo‘llari ancha katta yoshli odamga tegishli ekanini ko‘rish mumkin. Mazkur sahnani Di Kaprioning o‘zi suratga olgan va rasmni rejissyor Jeyms Kemeron chizgan. Qizig‘i shundaki, Kemeron chapaqay, Leo esa o‘ng qo‘lda yozadigan odam. Shu sababli kadr ko‘zgu kabi teskari formatda aks ettirilgan.
“Yulduzlar jangi” 1-epizod: Yashirin tahdid”
Yulduzlar jangi birinchi epizodining oxirida Palpatin Nabu sayyorasiga tashrif buyuradi va u bilan birga butun Jeday kengashi uchadi. Hammaga tanish bo‘lgan qahramonlar orasida yangi bir obraz paydo bo‘ladi. Ba’zi tomoshabinlar bu butunlay boshqa Jeday deb taxmin qilishlari mumkin edi, lekin ushbu personaj boshqa hech qaysi kadrda namoyon bo‘lmagan. Ikkinchidan esa, u Meys Vindu bilan bir xil kiyimda bo‘lgan. Ya’ni, qahramonning dublyori yuqoridagi kadrga tushib qolgan. Taqqoslash uchun, deyarli har bir Jeday o‘ziga xos tashqi belgiga ega bo‘lgan.
“Garri Potter va Azkaban mahbusi”
“Garri Potter” filmida kompyuter grafikasi juda ko‘p qo‘llanilganiga qaramay, aktyorlar o‘rniga kaskadyorlar ishtirok etadigan sahnalar ko‘p. Masalan, “Garri Potter va Azkaban mahbusi” qismida aktyor Alan Rikman 58 yoshda edi va u xavfli tryuklarni bajara olmas edi. Garri to‘satdan tayoqchasini Siriusdan Severusga yo‘naltirib, ekspelliarmus sehrini qo‘llaganda Severus ortga qattiq zarba bilan uloqtirib yuboriladi.
“Qasoskorlar”
So‘roq paytida Qora beva shunday saltolar qiladiki, Skarlett Yoxansson dublyor bilan almashtirilganini sezmay qolish mumkin. Tryuklardan birini stulda bajarish paytida ayolning notanish yuzi va mushakdor qo‘llarini ko‘rish mumkin, shundagina bu Skarlett emasligi ayon bo‘ladi.
“Do‘stlar”
“Do‘stlar” seriali keng formatdagi ekranlar uchun suratga olingan, ammo 90-yillardan boshlab standart 4:3 formatda translyatsiya qilingan. Yillar o‘tib, 4:3 format butunlay yo‘qolib, uning o‘rnini kengroq formatlarga ega filmlar egalladi va mazkur serial yangi versiyada namoyish etila boshlandi, natijada tomoshabinlar ko‘plab dublyorlarni payqay boshladi. Masalan, Fibi va Monika ishtirokidagi sahnalardan birida kadr Liza Kudrouga qaratilganda, uning qarshisida Kortni emas, balki butunlay boshqa qiz o‘tirganini ko‘rish mumkin. Ehtimol, Kortni suratga olish maydonchasini ma’lum sabablarga ko‘ra vaqtinchalik tark etgan va epizodni o‘z vaqtida yakunlash uchun operator kadrni Liza tomon biroz siljitgan. Ammo ekranda boshqa aktrisa paydo bo‘lishini hisobga olmagan.
“Garri Potter va hikmatlar toshi”
Bo‘yi taxminan 183 santimetr bo‘lgan aktyor Robbi Koltreyn Hagrid roli uchun syomkaga doim ham tashrif buyura olmagan, shuning uchun uning o‘rniga so‘zlashish bo‘lmagan sahnalarni Koltreyn emas, balki uning dublyori — sobiq regbichi Martin Beyfild ijro etgan. Uning ustida Hagridning robot boshi o‘rnatilgan.
“Sumerki”
Edvard va Bella o‘rmon bo‘ylab yugurib ketayotgan sahnada birdan aktyorlar o‘rniga ularga umuman o‘xshamaydigan odamlar paydo bo‘lganini hamma ham payqamagan bo‘lsa kerak. Ikkalasining ham iyaklari biroz bo‘rtganligidan bu Robert Pattinson va Kristen Styuart emas, balki ularning dublyorlari ekanligi seziladi.
Izoh (0)