Jonni Depp, Bred Pitt, Nikol Kidman: bu yulduzlar muvaffaqiyatli aktyor bo‘lish uchun teatr oliygohlarini bitirish shart emasligini ko‘rsatib berdi. Baʼzilariga omad o‘zi keldi, boshqalari esa barcha imkoniyatlardan foydalanib, muvaffaqiyatga erishdi.
1. Jonni Depp
Yoshligidan aktyor musiqaga qiziqib, rok-musiqachi bo‘lishni orzu qilgan. U “The Kids” guruhida gitara chalgan va bu sohada muvaffaqiyatga erishish uchun Los-Anjelesga ko‘chib o‘tgan. Ammo moliyaviy qiyinchiliklar Jonni Deppni qo‘shimcha daromad topishga majbur qilgan. Nikolas Keyjning maslahati bilan Jonni kinoda o‘zini sinab ko‘rishga qaror qildi.
Uning debyuti “Vyazov ko‘chasidagi qo‘rqinchli tush” filmida bo‘lgan. Ko‘p o‘tmay u “Jamp-strit, 21” serialida mashhur bo‘ldi va keyinroq unga katta kinoga yo‘l ochgan rejissyor Tim Berton bilan tanishdi.
2. Natali Portman
-rxf0epp4.jpg)
Aktrisa bolaligidan sahnaga qiziqar va har yoz teatr lagerlarida bo‘lib, maktab spektakllarida qatnashgan. 10 yoshida pitsa do‘konida Revlon agenti uni tasodifan ko‘rib qolib, yosh Natali Portmanga modellik biznesida o’zini sinab ko‘rishini taklif qilgan. Ammo buning o‘rniga u aktrisalik kasbini tanlagan. Portman kastinglarga borib, mahoratini takomillashtirib, 12 yoshida Lyuk Bessonning “Leon” filmida birinchi katta rolini ijro etgan. Film uni yulduzga aylantirdi, lekin Natali kinodagi karyerasi bilan cheklanmadi. U Garvardga kirib, psixologiyani o‘rgana boshladi va o‘qishni “Yulduzlar jangi”dagi suratga olishlar bilan birlashtirdi.
3. Bred Pitt
-O3uKcJJQ.jpg)
Missuri universitetining jurnalistika va reklama bo‘limlarini bitirib, kelajakdagi aktyor Los-Anjelesga ko‘chib o‘tdi va yangi kasbni o‘rgana boshladi. Bundan tashqari Pitt haydovchilik qilib, eʼlonlar tarqatib ham qo‘shimcha daromad qilar edi.
Uning ilk rollari epizodik bo‘lgan, ammo o‘zining qatʼiyati va tug‘ma isteʼdodi tufayli nihoyat u “Telma va Luiza” sayohat filmida muhim rol ijro etdi va bu uning karyerasida burilish nuqtasi bo‘ldi.
4. Jennifer Lourens
Hozirda eng talabgir aktrisalaridan biri bo‘lgan Jennifer Lourens hech qachon maxsus kurslarga bormagan. 14 yoshida kelajakdagi “Hayot-mamot o‘yinlari” yulduzi kinoda suratga tushishni orzu qilib, ota-onasini Nyu Yorkka olib borib, agent topishga ko‘ndirdi. Bir necha sinov va reklama roliklaridan keyin Jenniferni katta loyihalarga taklif qila boshladilar.
2010-yilda “Qishki suyak” nomli mustaqil dramadagi roli uchun Lourens “Oskar”ga birinchi nomzodini oldi. Maʼlumki, Gollivud yulduzi suratga olishlar uning o‘qishiga xalaqit bermasligi uchun maktabni eksternat usulida tugatgan.
5. Rassel Krou
-lA2rguJq.jpg)
Avstraliyalik Rassel Krou birinchi marta 5 yoshida uning uzoq qarindoshi prodyuseri bo‘lgan serialda epizodik rol o‘ynab, ekranga chiqdi. Yoshligida Yangi Zelandiyaga ko‘chib o‘tgandan keyin Krou oilasiga moliyaviy yordam berish uchun maktabni tashlab ketdi. Bundan tashqari, u musiqaga qiziqib, bir nechta guruhda ijro etgan.
Bir muddat o‘tib, Rassel o‘zini aktyor sifatida sinab ko‘rishga qaror qildi. “Kalboshlar” dramasidagi roli xalqaro prodyuserlarning diqqatini jalb qildi va tez orada Krou Gollivudga ko‘chib o‘tdi va u yerda uni haqiqiy muvaffaqiyat kutayotgandi.
6. Nikol Kidman
-SzLeQsFZ.jpg)
Avstraliyalik aktrisa bolaligidan sahna sanʼatiga intilib, 4 yoshidan balet bilan shug‘ullangan va keyinroq yoshlar teatrida rollar ijro etgan. Biroq Nikolning onasi og‘ir kasallanganda, qiz teatrni va maktabdagi o‘qishni tashlab ketishga majbur bo‘ldi. Oilasini boqish uchun u reklamada suratga tusha boshladi va 15 yoshida kinoda birinchi rolini oldi.
7. Tom Kruz
-66LAk20g.jpg)
“Uddalab bo‘lmas topshiriq” yulduzi Gollivudning eng ko‘p haq to‘lanadigan aktyorlaridan biri hisoblanadi. Ammo u ham hech qanday maxsus taʼlim olmagan. Bolaligida Tom Kruz disleksiyadan aziyat chekib, tengdoshlarining doimiy masxarasi tufayli 15 ta maktabni almashtirishga majbur bo‘lgan. Maktabni bitirgach, u ruhoniy bo‘lishni xohlagan va hatto seminariyaga kirgan. Ammo tez orada fikrini o‘zgartirib, kinoda suratga tushish uchun Nyu Yorkka yo‘l olgan.
Izoh (0)