Odatda aktyor bolalarning ekrandagi shuhrati esa tezda o‘tib ketadi. Ammo quyidagi yosh iste’dodlar birinchi muvaffaqiyatdan so‘ng kino sohasida mustahkam o‘rnashib oldi.
Ke Xyui Kuan
12 yoshida Ke Xyui Kuan “Indiana Jons va taqdir ibodatxonasi” filmida rol ijro etgan edi. Biroq yoshi ulg‘aygan sari ung mos rollar topilmay qoldi, shu bois sobiq yulduz kadr ortida ishlashga majbur bo‘lib, asosan kaskadyorlik rejissyori va yordamchi sifatida tirikchilik qildi. Ammo “Hamma joyda va bir vaqtning o‘zida” filmi orqali ekranga qaytishi unga “Oskar” mukofotini olib keldi.
Jodi Foster
Uch yoshidan suratga tusha boshlagan va 14 yoshida “Taksichi” filmidagi rolidan keyin mashhurlikka erishgan Foster bugungi kunda Gollivud yulduzi hisoblanadi. Ammo Jodi ta’lim olish uchun karyerasida biroz tanaffus qilganini hamma ham bilmaydi — 1985-yilda aktrisa adabiyot bo‘yicha bakalavr darajasini olgan. Keyinchalik Foster talabgir aktrisaga aylandi.
Freddi Haymor
Haymorga eng katta shuhratni Tim Byortonning “Charli va shokolad fabrikasi” musiqiy fantastik filmidagi Charli Bakket roli keltirdi, filmda uning partnyori Jonni Depp edi. Aytgancha, yosh aktyorni Bertonga aynan Jonni tavsiya qilgan. Haymor bilan bo‘lgan kadrlar hatto internetda memga aylandi, bu esa unga faqat shuhrat keltirdi. Ulg‘aygan Freddi “Yaxshi shifokor” serialida bosh rolni o‘ynagan.
Felisiti Jons
Aktrisaga birinchi mashhurlikni 1998-yilda “Eng yomon jodugar” teleserialidagi Etel Hellou roli olib keldi. O‘shanda Jons 15 yoshda edi. Biroq aktyorlik karyerasi darhol o‘z yo‘nalishida ketmadi. Felisiti muntazam ravishda takliflarni faqat 2007-yildan boshlab ola boshladi. Uning balog‘at yoshidagi diqqatga sazovor asarlari orasida: “Braydsxedga qaytish”, “Stiven Xoking olami” va “Brutalist” filmlari bo‘lgan.
Izoh (0)