Koreya kinoijodkorlarining “Qish sonatasi” seriali orqali ko‘pchilikning sevimli aktrisasiga aylangan Chxve Ji U 1975-yil 11-iyunda Janubiy Koreyaning Kengido viloyati Padju shahrida tug‘ilgan. U 1994-yilda MBC kanali tashkil etilgan isteʼdodlar tanlovida ishtirok etib, g‘olib chiqdi. Shundan so‘ng 1995-yilda unga “Birinchi muhabbat” romantik serialida rol taklif etildi.
U 1996-yilda “Taqdir darvozasi” filmida birinchi bosh rolini o‘ynadi, lekin aktyorlik mahorati yetarli bo‘lmagani sababli, suratga olish jarayonining o‘rtasida uni boshqa aktrisaga almashtirildi.
Ijobiy rollardan salbiysigacha
Keyingi bir-ikki yilda aktrisa teleseriallar va filmlarda, jumladan “Tuzoq” dramatik trillerida (1997), shuningdek “Birinchi bo‘sa” (1998) romantik komediyasida An Je Uk bilan va “Romantik prezident” (2002) romantik komediyasida An Son Gi bilan ishtirok etdi. Bular “Haqiqat” (2000) romantik dramasida va “Ajoyib kunlar” (2001) melodramasida beg‘ubor obrazga ega tragik qahramonlar roli edi, bu uning ortib borayotgan mashhurligini yana ham oshirdi.
2002-yilda “Birinchi muhabbat” serialida ikkinchi darajali rol o‘ynagan aktyor Pe Yon Jun bilan ekranlarda qayta uchrashdi. Yun Sok Xo rejissyorlik qilgan “Qish sonatasi” seriali butun Osiyoda Koreya seriallari to‘lqinining boshlab berdi.
Natijada Chji U Osiyoda, ayniqsa Yaponiyada juda ko‘p muxlislarga ega bo‘ldi va “Malika Chji U” degan laqabni oldi.
2009-yilda Chji U va Yon Jun “Qish sonatasi” animesini dublyaj qilishdi. Aktrisa hali ham Yaponiyada yuqori haq to‘lanadigan yulduz va brend bo‘lib qolmoqda, uning seriallarini namoyish etish huquqi va tovarlarni sotishdan katta daromad keltiradi.
2007-yilda Li Chon Je bilan birgalikda “Aeroport” serialida suratga tushib, Inchxon aeroportining bosh direktori rolini o‘ynadi va bu loyiha bilan Koreya televideniesiga qaytdi.
2009-yilda Chji U Yu Ji Txe bilan birgalikda “Mening sevgilim — yulduz” serialida suratga tushdi, unda oddiy insonga oshiq bo‘lgan aktrisa rolini o‘ynadi. Chxve Chji U ushbu serialda har bir seriya uchun 48 million vondan olgan, bu o‘sha paytda koreyalik aktrisalar uchun eng yuqori haq edi. Shu yili, Chxve Chji U , “CJW Company” nomli o‘z agentligini ochdi va unga o‘z akasini bosh direktor etib tayinladi.
2011-yilda “Hech qachon mag‘lub bo‘lmayman!” romantik komediyasi kichik ekranlarga chiqishni boshladi, unda aktrisa hamkasbi aktyor Yun San Xyon bilan birgalikda o‘zlarining ajralish jarayoni bilan yuzma-yuz kelgan ikki advokat rolini o‘ynadi. Bir press-konferensiyada Chji Udan uning toza va begunoh obrazini yo‘qotishdan qo‘rqmayotgani haqida so‘ralganda, u: “Men 15-yil davomida bir xil obrazga ega edim, melodrama malikasi edim, endi esa men romantik komediya malikasi unvonini xohlayman”, deb javob berdi. U “2 kun va 1 tun” realiti-shousida mehmon bo‘lib, o‘zining pozitiv va quvnoq tomonlarini ko‘rsatganidan keyin ko‘proq muxlislar olganini qo‘shimcha qildi.
2014-yil fevralda Chxve Chji U YG Entertainment agentligi bilan shartnoma imzolagandan so‘ng “Vazminlik” deb nomlangan romantik melodramada hamkasbi Kvon San U bilan qayta uchrashgan, unda boy ayol rolini o‘ynagan.
40 kishilik yopiq to‘y marosimi
Chxve Chji U 2018-yil 29-martda ismi-sharifi oshkor etilmaydigan erkakka turmushga chiqqan. Aytishlaricha, aktrisa ko‘ngil qo‘ygan inson undan 6 yosh kichkina. U axborot texnologiyalari sohasida shunchaki tadbirkor emas, balki yirik korporatsiya rahbarining jiyani hisoblanadi.
Nikoh oqshomi Janubiy Koreyaning Seul shahridagi Signiel Seoul mehmonxonasining kichik studiyasida bo‘lib o‘tgan. To‘yda aktrisaning faqat oila aʼzolari va yaqin do‘stlar ishtirok etgan. Uning to‘y libosi Ashi studiyasi tomonidan yaratilgan.
Muxlislar aktrisaning to‘yi haqida uning fan-kafesida joylashtirilgan qo‘l yozma xati orqali shaxsan eʼlon qilganida bilganlar. “Men xijolatdaman, chunki birinchi marta xat yozyapman. Sizlar uchun biroz kutilmagan, ammo ajoyib yangiligim bor. Men 29-mart kuni birgalikda yangi hayotni boshlashni istagan insonimga turmushga chiqdim. Biz faqat yaqin qarindoshlarimiz ishtirokida yopiq to‘y marosimini o‘tkazdik”.
Aktrisa 45 yoshida, 2020-yil 16-mayda qizini dunyoga keltirgan.
Qiziqarli faktlar
- aktrisa Pusan ayollar kollejida raqs aerobikasi bo‘yicha mutaxassislikka ega bo‘lgan. Keyin u Xanyan teatr va kino universitetiga o‘qishga kirgan, u yerda 1-yil o‘qigan, ammo ishining ko‘pligi sababli o‘qishni tashlashga majbur bo‘lgan.
- Chji Uning akasi uning agentligining direktori. Undan 2 yosh katta.
- “Qish sonatasi” serialidan so‘ng yapon muxlislari unga “Malika Chji U” laqabini bergan.
— Aktrisa Koreyada chin dildan hayratlanish qobiliyati uchun “Quyon” laqabiga ega.
- Janubiy Koreya va Yaponiyada juda mashhur aktrisa, har doim Yaponiyada suratga tushish takliflarini oladigan Xlalyuning 5 yulduzidan biri.
- Go‘shtni sevadi, uni kuniga uch marta yeydi va undan voz kecha olmaydi.
- Sportni xushlamaydi. Hech qanday sport bilan shug‘ullanmaydi va sport ko‘rsatuvlari va o‘yinlarini tomosha qilmaydi. Hula-hup va yugurish yo‘lagi yordamida o‘z qomatini saqlab turadi.
- sevimli aktrisasi — Gvinet Peltrou, Chji U uni go‘zalligi va ziyoliligi uchun yoqtiradi.
Chve Ji U 2024-yil yakunlariga ko‘ra, Janubiy Koreyaning eng badavlat aktrisalaridan biri hisoblanadi. Uning ayni paytdagi moliyaviy ahvoli 30,5 million dollarga baholanadi.
Izoh (0)