Gollivud yulduzlari film va seriallarda suratga tushishdan avval salomatligini doim sug‘urta qiladi. Biroq shunday aktyorlar boki, ular jiddiy jarohat olish xavfiga qaramay, o‘z tryuklarini mustaqil bajarishni istaydi va dublyor aktyorlarni rad etadi. Quyida jang san’ati mahorati bilan tanilgan va kaskadyorlik tryuklarni mustaqil bajaradigan dovyurak aktyor va aktrisalarni sanab o‘tamiz.
Denzel Vashington
Aktyor “To‘xtatib bo‘lmas” filmidagi barcha xavfli harakatga to‘la sahnalarni hech qanday yordamsiz ijro etgan.
Harrison Ford
Gollivud yulduzi Harrison Ford “Indiana Jons” filmida ko‘plab jangovar sahnalarni o‘ynagan va hatto ba’zilarini improvizatsiya qilgan.
Bryus Uillis
Uillis “Chaqilmas yong‘oq” filmidagi jang sahnalarida mustaqil suratga tushgan. Hollywood Reporter nashri ma’lumot berishicha, aktyor doim suratga olish maydonini barcha yerlari ko‘kargan holda tark etgan.
Jeyson Steytem
Britaniyalik aktyor yashil ekranda maxsus effektlar yaratish yoki kaskadyor yollash uchun byudjeti yetarli bo‘lmagani uchun u o‘zining birinchi filmidagi barcha tryuklarni bajarishga qaror qilgan.
Silvestr Stallone
Stallone “Chegarasiz” franshizasidagi barcha xavfli harakatga to‘la sahnalar uchun dublyordan foydalanish taklifidan bosh tortgan.
Arnold Shvarsenegger
Sobiq bodibilder va jangovar yulduz Arnold Shvarsenegger bir necha bor dublyor yordamidan voz kechgan. 2013-yilda “Qahramonning qaytishi” filmini suratga olish chog‘ida aktyor yuqori balandlikda arqonlarga osilgan va mashinalarni o‘ta katta tezlikda haydagan.
Deniel Kreyg
Yulduz The Telegraph nashriga bergan intervyusida ta’kidlashicha, agar filmda aktyor jismoniy qiyinchilikka duch kelishi lozim bo‘lsa, u buni qabul qiladi va qo‘lidan kelgancha barcha tryuklarni o‘zi bajarishga harakat qiladi.
Kristian Beyl
Kristian Beyl Betmen haqidagi trilogiyada ko‘p marta dubldan foydalangan bo‘lsa-da, u aksariyat murakkab harakatli sahnalarni mustaqil ijro etgan.
Jon Sena
Professional kurashchi Jon Sena aksariyat filmlarida xavfli sahnalarni suratga olishda muammolarga deyarli duch kelmaydi.
Josh Xatcherson
Aktyor “Hayot-mamot o‘yinlari” filmidagi o‘zining barcha jangovar sahnalarini dublyorlardan foydalanmasdan suratga tushgan.
Hyu Jekman
“G‘aroyib odamlar ” franshizasida Hyu Jekman Rosomaxaning aksariyat jangovar sahnalarini o‘zi ijro etgan.
Kianu Rivz
Aktyor “Jon Uik” jangovar serialidagi kaskadyorlik tryuklarining aksariyatini mustaqil bajargan.
Anjelina Joli
Aktrisa “Solt” filmini suratga olish vaqtida harakatlanayotgan yuk mashinasidan sakrab o‘tgan.
Teylor Lotner
Aktyor “Ta’qib” filmining xavfli sahnalarini o‘ynashda kaskadyor yordamidan bosh tortgan.
Tom Kruz
Aktyor “Uddalab bo‘lmas topshiriq” filmida 1240 metr balandlikdagi qoya tepasidan mototsikl haydab, jardan pastga parashyutda sakragan.
Kameron Dias
“Kun ritsari” filmida aktrisa Tom Kruzdan o‘rnak oldi va mototsikldagi murakkab harakatli sahnalarda dublyor yordamidan bosh tortdi.
Bryus Li
Jang san’atining afsonasi hech qachon filmlardagi to‘qnashuv sahnalarida kaskadyorlardan foydalanmagan.
Jeki Chan
Gonkonglik aktyor filmdagi barcha murakkab kaskadyorlik ishlarini mustaqil bajargan va turli jarohatlar olishdan hech qachon qo‘rqmagan. U hatto bir necha marta opratsiyalarni o‘tkazsa ham, kino sanoatidan ketmagan va jangovar filmlarda qayta va qayta ajoyib obrazlarni gavdalantirgan.
Izoh (0)