Sevimli aktyoringiz haqidagi ko‘pchilikka noma’lum bo‘lgan faktlar bilan tanishing.
- Di Kaprioning buvisi — Yelena Stepanovna Smirnova, Oktyabr inqilobidan so‘ng ota-onasi bilan Germaniyaga ko‘chib ketgan. U yerda turmushga chiqib, ismini Xelena Indenbirkenga o‘zgartirgan. 1955-yilda ular eri bilan birgalikda AQShga ko‘chib ketishgan.
- Onasi homilador paytida Uffitsi muzeyidagi (Florensiya) Leonardo da Vinchining rasmiga qarab turganida ilk bor uning tepishini his qilgan va o‘g‘liga Leonardo deb ism qo‘ygan.
- Bolaligida Di Kaprio dengiz biologi yoki san’atkor bo‘lishni orzu qilgan. Ushbu murakkab tanlovda bir qarorga kelishiga o‘gay akasi Adam Farrarning reklamadagi ishtiroki uchun 50 ming dollar gonorar olishi sabab bo‘lgan.
- Di Kaprio Matchbox reklama roliklarini o‘zining birinchi roli deb ataydi. Bu reklamani topishning iloji bo‘lmadi, ammo bo‘lajak aktyor suratga tushgan Bubble Yum saqichi reklamasini tomosha qiling.
- Di Kaprio “Tez va o‘lik” (1995) filmidagi roli uchun 150 ming dollar gonorar olgan. Sem Reymi yosh aktyorni filmga olishni mutlaqo xohlamagan, bosh rol ijrochisi Sheron Stoun esa aksincha, unda bo‘lajak yulduzni ko‘rgandi.
- Sevimli aktyorlari: Robert De Niro, Jeyms Din va Jek Nikolson. Sevimli aktrisasi — Meril Strip (Keyt Uinsletdan tashqari, albatta).
- Stressdan qutulish uchun asalarichilik bilan shug‘ullanadi (bu Gollivud aktyorlari orasida keng tarqalgan terapiya hisoblanadi).
- “Eng yaxshi film” nominatsiyasida “Oskar”ga nomzod bo‘lgan 11 ta filmda rol o‘ynagan.
- 2001-yilda u o‘zining Appian Way Productions prodyuserlik kompaniyasiga asos soladi, u Di Kaprio ishtirokida ko‘plab filmlar, jumladan, “Uoll-strit bo‘risi”, “Aviator” va "Gulli oy qotillari” filmlarini chiqardi.
- 2005-yildan beri Beliz qirg‘oqlari yaqinidagi Blackadore Caye oroliga egalik qiladi. Orolni 1,75 mln dollarga sotib olgan.
- Butunjahon yovvoyi tabiat jamg‘armasi direktorlar kengashi a’zosi va umuman, tabiatni, hayvonlarni, ekologiyani yaxshi ko‘radi.
- Bo‘yi — 183 sm.
- Ajoyib obrazlariga qaramay, o‘zining birinchi (va hozircha yagona) “Oskar”ini eng yaxshi rol uchun 2016-yildagina oldi (“Omon qolgan” filmi).
Bolalikdan beri yaqin do‘st bo‘lgan Tobi Maguayr bilan birinchi marta reklama roligi kastingida tanishgan. Ular professional karyerada faqat bir marta, ya’ni O‘rgimchak odam roli ularni birlashtirgan – bu rolni Maguayr o‘ynagan.
Di Kaprio sakkizta “Oskar” sovrini sohibi bo‘lgan rejissyorlar bilan ishlagan. Eng ko‘p ishlagan rejissyori esa Martin Skorseze.
Di Kaprioning birinchi agenti aktorga Lenni Uilyams ismli taxallusini olishni tavsiya qilgan.
Aktyor “Yulduzlar jangi”ning ikkinchi epizodidagi Enakin Skayuolker rolidan voz kechadi, chunki u “bunday chuqur obrazga tayyor emasligini” his qilgan.
2024-yilgi AQSH prezidentligi saylovlarida Kamala Harrisni rasman qo‘llab-quvvatlagan.
Di Kaprioning eng yuqori gonorari 2023-yilgi “Gulli oy qotillari” (Killers of the Flower Moon) va 2021-yilgi “Yuqoriga qarama” (Don‘t Look Up) filmlarida bo‘lgan. Eng yuqori daromad (gonorar + kinoteatrda yig‘ilgan daromaddan foiz + turli boshqa foizlar) esa 59 million dollarni tashkil qilgan, bu esa “Ibtido” (Inception) filmidan olingan.
- Eng ko‘p gonorar olgan Gollivud aktyorlari ro‘yxatida 30 million dollardan ko‘p haq to‘langan ishlarida uning familiyasi to‘rt marta takrorlanadi.
Izoh (0)