Gollivudni zabt etgan koreys aktyorlari (foto)

Koreys millatiga mansub qaysi aktyorlar butun dunyoni, xususan, Gollivudni ham zabt etgani haqida ma’lumot beramiz.

Li Byon Xan

Li Byon Xan 1970-yilda Seulda tug‘ilgan. Uning otasi biznesmen, singlisi esa model va “Miss Koreya” tanlovi g‘olibi. Xan ikkita oliy ma’lumotga ega: filologiya va kinoshunoslik. U 1991-yilda Janubiy Koreya teleserialida ekrandagi debyutini qilgan. Amerikaga ko‘chishdan oldin u mashhur “Birlashgan xavfsizlik zonasi” (2000) filmida ham rol o‘ynagan.

Vatanida eng yaxshi aktyorlardan biriga aylangan Li Byon Xan G‘arbni zabt etishga yo‘l oldi va Gollivudning “Kobra hamlasi” (2009), “G.I. Jo: Kobra hamlasi-2” (2013), “Terminator: Genezis” (2015) filmlarida rol o‘ynadi. Uning bugungi kunga qadar so‘nggi muvaffaqiyatli ishi Janubiy Koreyaning “Kalmar o‘yini” (2021) serialidagi roli bo‘ldi, uni birinchi oyning o‘zidayoq 140 milliondan ortiq kishi tomosha qilgan, bu esa jahon rekordidir.

Arden Lim Cho

Arden Choning ota-onasi qizi tug‘ilishidan oldin Texasga ko‘chib o‘tgan. Bolaligida u raqs, musiqa va drama maktabiga boradi, lekin oliy ma’lumotni psixologiya sohasida oladi. 2004-yilda Arden “Miss Chikago” unvonini qo‘lga kiritadi, bu uning karyerasiga tubdan ta’sir ko‘rsatadi. Qiz go‘zallik tanlovida ishtirok etish uchun vatani Seulga boradi, ammo e’tirof o‘rniga haqoratlar ostida qoladi. Bunday xorlik Arden Choning ruhini sindira olmaydi. Qiz Amerikaga qaytib, model sifatida ishlashni davom ettiradi. U Nike, Apple, Alexander McQueen va Vogue jurnali kabi brendlar uchun suratga tushgan.

2016-yilda Arden “Bo‘ri bolasi” teleserialida Kira Yukimura roliga tasdiqlanadi. Bu rol unga butun dunyo bo‘ylab mashhurlik keltiradi, mazkur serial hali ham reytinglarda yetakchi o‘rinlarda.

Son Kan

O‘smirlik chog‘ida Gruziyada o‘sgan Kan mim (pantomima aktyori) bo‘lishni orzu qilgan, ammo Son huquqshunoslik yo‘nalishida o‘qiydi va Los Anjelesga ko‘chib o‘tadi. U yerda ofitsiant bo‘lib ishlaydi, shu bilan birga kastinglarga boradi. “Perl-Harbor” dramatik filmidagi epizodik roli uni dunyoga tanitadi, shundan so‘ng Kan “O‘lim 4.0” (2007) va “Urush” (2007) filmlarida Jeyson Steytem va Bryus Uillis bilan birgalikda rol o‘ynaydi.

Son Kan, shuningdek, “Gollivud sarguzashtlari” (2015), “Chegarasizlar” (2010) kabi filmlarda suratga tushgan. “Forsaj” filmidagi obrazi aktyorga dunyo miqyosida mashhurlik keltiradi.

Kim Deniyel De

Deniyel De Kim — kelib chiqishi koreyalik bo‘lgan amerikalik aktyor va prodyuser. Uning birinchi asarlari orasida “Nyu York politsiyasi” (1993), “Yulduzli yo‘l” (1995), “Saynfeld” (1998), “CSI: Jinoyat joyi” (2000), “Qalqon” (2002) kabi loyihalar bor. 2003-yilda u “Xalk” filmida, 2004-yilda esa “O‘rgimchak odam-2” filmida ishtirok etgan. 2004-yildan 2010-yilgacha u “Hayot-mamot” serialida rol o‘ynagan. Jin Kvon roli Kimning karyerasidagi eng muvaffaqiyatli asarlardan biriga aylandi va uni butun dunyoga tanitdi. Aynan shu roli uchun u Screen Actors Guild Award, AZN Asian Excellence Award, Multicultural Prism Award, Vanguard va boshqa ko‘plab mukofotlarga sazovor bo‘ldi.

Deniyel, shuningdek, “Divergent 2-bob: Isyonchi” (2015) va “Divergent 3-bob: Devor ortida” (2016) filmlarida fraksiya rahbari rolini o‘ynagan.

Kim ishtirokidagi so‘nggi loyihalar “G‘aroyib doktor” (2017) va “Hellboy” (2019) ham yuqori baholarga sazovor bo‘ldi.

Nikol Bilderbek

Nikol Bilderbek — butun dunyoga mashhur, murakkab taqdirga ega qiz. U Seulda tug‘ilgan, lekin Texasda katta bo‘lgan. Nikolni amerikalik Jim va Lois Bilderbeklar asrab olishgan. Nikki bolaligidan raqsga tushishni yaxshi ko‘rardi va ota-onasi iste’dodli farzandini yuborgan Yosh aktyorlar studiyasida uning deyarli barcha raqs turlarini o‘zlashtiradi.

1993-yilda Nikol o‘rta maktabni tugatib, aktyorlik faoliyatini boshlash uchun Los Anjelesga ko‘chib o‘tishga qaror qiladi. Nikol teleseriallarda epizodik rollarni o‘ynaydi. 2001-yilda Bilderbek KoreAm Journal va Yolk jurnallarining muqovalarida paydo bo‘lib, model sifatida ishlay boshlaydi.

2005-yildan Nikol Gollivud filmlarida faol ishtirok eta boshlaydi. “Suyaklar” (2005), “Kasl” (2009), “Mentalist” 92008), “Yaxshi qizlar” (2018) teleseriallaridagi rollari unga dunyo miqyosida mashhurlik keltiradi.