2022-yil boshida frontotemporal demensiya (FTD) tashxisi qo‘yilgan Gollivud aktyori Bryus Uillisning sog‘lig‘i yomonlashgani aytilmoqda.
Bu demensiyaning erta boshlanishiga olib keladigan neyrodegenerativ kasallik bo‘lib, 70-75 foiz hollarda 40 yoshdan 65 yosh oralig‘ida kuzatiladi. Statistik ma’lumotlarga ko‘ra, FTD barcha demensiya holatlarining 20 foizini tashkil qiladi. Uni davolab bo‘lmaydi, bemor oxir-oqibat tildan qolish, mantiqiy fikrlash va mustaqil harakat qilish qobiliyatini yo‘qotishi mumkin.
Maʼlumotlarga ko‘ra, aktyorning ahvoli kundan kunga yomonlashib bormoqda. Endi u boshqa o‘qiy olmaydi va umuman so‘zlasha olmaydi ham. Oilasi uni qo‘llab-quvvatlash uchun aktyor bilan ko‘proq vaqt o‘tkazishga harakat qilmoqda. Vaqti-vaqti bilan ijtimoiy tarmoqlarda uning sog‘lig‘i haqida maʼlumotlar ham berib borishyapti.
Foto: Lisa.ru
2022-yilning mart oyida aktyor Bryus Uillisning oila aʼzolari uning ijodiy faoliyati yakuniga yetgani, Gollivud yulduzida afaziya — bosh miya qobig‘i shikastlanishi natijasida yuzaga keladigan nutq buzilishi aniqlanganini maʼlum qilgan edi.
Demensiya dahshatli neyrodegenerativ kasallik bo‘lib, hech kimni ayamaydi. Hozirda Bryus sobiq xotinini tanimasa ham, xayriyatki, hali ham xotini Emma va uning bolalarini taniydi. Aktyorning oila a’zolari — rafiqasi Emma Xemming, qizlari va hatto sobiq rafiqasi Demi Mur hamisha uning holidan xabar olib turadi.
Avvalroq Bryus Uillis xastaligiga qaramay, uzoq vaqtdan beri birinchi marta omma oldida ko‘rinish berdi. U Los Anjelesdagi yong‘inlarga qarshi kurashayotgan qutqaruvchilarni qo‘llab-quvvatlash uchun hodisa joyiga keldi. Aktyor jabr ko‘rganlarning qo‘llarini jimgina silkitdi, lekin shuning o‘zi ham aholi uchun katta bir taskin edi.
Izoh (0)