Бу роллар аслида бошқа актёрларга шуҳрат келтириши мумкин эди. Бироқ мазкур юлдузлар имкониятларини қўлдан бой беришди.
Метт Деймон – “Аватар”
Метт Деймон “Аватар” фильмидаги Жейк Салли ролидан воз кечади, агар у ролни ижро этганда 250 миллион доллар ишлаб олиши мумкин эди. Бунга сабаб ўша пайтда у Борн ҳақидаги фильмлар билан банд эди.
“Бу кино тарихидаги актёр қилган энг аҳмоқона қарор... Мен тахминан 50 та фильмда рол ижро этганман. Аммо ҳеч қачон 1 миллиард доллар даромад келтирган фильмда суратга тушмаганман”.
Жеймс Кемероннинг машҳур блокбастеридаги рол ўша пайтда унча таниқли бўлмаган Сем Уортингтонга насиб этади ва уни юлдузга айлантиради.
Маколей Калкин — “Катта портлаш назарияси”
Маколей Калкин ҳам “Катта портлаш назарияси” фильмидаги асосий роллардан бирини рад этади.
Продюсерлар мени таъқиб қилишган, лекин мен “йўқ” деганман. Сюжетни менга шундай тасвирлашган — иккита астрофизик-ботаник бўлади ва улар билан бир гўзал қиз яшайди. Мен эса: “Тушундим, раҳмат”, дедим. Кейин улар мени безовта қилишди, мен рад этавердим. Аммо улар тўхтамади, ҳатто менежерим ҳам мени рози қилишга уринди... Агар ролга рози бўлганимда ҳозир юзлаб миллион долларим бўларди.
Калкин унга айнан қандай рол таклиф қилинганини айтмаган бўлса-да, бу Жонни Галеки ва Жим Парсонс ўйнаган Леонард Хофстедтер ёки Шелдон Купер эди.
Бейонсе – “Соҳибжамол ва махлуқ”
Миш-мишларга кўра, Бейонсе “Соҳибжамол ва махлуқ” фильмининг қайта суратга олинишида супурги Плюметт ролини рад этган. 2017 йилда у билан “Орзудаги қизлар” фильмида ҳамкорлик қилган режиссёр Билл Кондон Yahoo Entertainment`га шундай деган: “Бу унинг учун етарлича катта рол эмас эди. Аммо у ажойиб супурги бўларди”. Рол охир-оқибат Гугу Мбата-Роуга насиб этган.
Зендая – “Алия: R&B маликаси”
Зендая “Алия: R&B маликаси” биографик фильми марҳум қўшиқчининг оиласи томонидан салбий муносабатга учраганидан кейин лойиҳани тарк этади. Актрисанинг таъкидлашича, у Алия ролини ўйнашни шараф деб билган, аммо лойиҳа муваффақият қозонишига ишонмаган. Рол эса АлександраШиппга насиб этади.
Иэн Маккеллан — “Гарри Поттер”
Ричард Харрис вафотидан кейин Иэн МакКеллан “Гарри Поттер” фильмларида Албус Дамблдор ролини ўйнашдан бош тортади. 2017 йилда у BBC News нашрига шундай деди:
Менга қўнғироқ қилиб, “Гарри Поттер” фильмида рол ўйнашга нима дейсиз, деб сўрашганида, айнан қандай рол эканини айтишмади, лекин мен гап нима ҳақида кетаётганини тушундим. Мени ёқтирмайдиган актёр ролини ўз зиммамга ололмасдим.
Харрис бир марта Маккелланни “техник жиҳатдан ажойиб, аммо ҳиссиётсиз актёр” деб атаган. Якунда Хогвартс директори вазифасини Майкл Гембон ўз зиммасига олади.
Aманда Сейфрид – “Галактика қўриқчилари”
Aманда Сейфриед “Галактика қўриқчилари” фильмидаги Гамора ролини рад этган, чунки у “яшил бўлишни хоҳламаган”. Машҳурлик келтирга рол эса Зои Салданага насиб этади.
Мен Женнифер Лоуренснинг анчагача кўк рангга бўялганлиги ҳақида гапирганини эслайман. Бу азоб-ку, деб ўйладим, чунки суратга олиш майдончасига атиги бир неча соатга чиқиш, кейин эса буларнинг барчасини яна ювишга тўғри келарди ва сабаб айнан шунда эди.
Лоуренс Фишберн — “Жиноий асар”
“Жиноий асар” фильмидаги Жулс Уинфилд роли Лоуренс Фишберн учун Тарантино томонидан ёзилган, аммо у бу ролни рад этган. 2020 йилда актёр Вултурега сценарийда гиёҳванд моддаларни истеъмол қилиш саҳналари уни шундай қарорга келишга ундаганини айтади. “Бу шунчаки менинг қаҳрамоним эмас эди”, дейди актёр. Натижада мазкур Самуэл Л. Жексонга насиб этади.
Изоҳ (0)