Мутахассислар таъкидлашича, қандайдир аниқ бир маҳсулотни егингиз келиши ҳар доим ҳам очлик туфайли эмас, балки ҳиссий ва физиологик омиллар билан боғлиқ бўлади. Стресс, гормонал ўзгаришлар, витаминлар етишмовчилиги ёки ҳатто оддий сувсизланиш — буларнинг барчаси шакар ёки тузга бўлган тўсатдан иштиёқ кўринишида намоён бўлиши мумкин.
Нутрисиологларнинг айтишича, бу — биз зарарли овқатни хоҳлаяпмиз дегани эмас, балки ичакдаги бактериялар ўзларига энергия сифатида айнан шуни талаб қилмоқда. Одамлар уларнинг “хоҳиш”ларига кўпроқ бўйсунса, шунча кўп ичак микробиотасини бузади. Бу эса қориннинг шишиши, яллиғланишлар ва овқат ҳазм қилишдаги доимий муаммоларга олиб келади.
Аслида бу иштиёқ нимани англатади? Ва қандай қилиб зарарли маҳсулотни фойдалиси билан алмаштириб, ўзимизни лаззатдан маҳрум қилмаймиз?
Тузли нарсани хоҳлайсизми? Бу ҳолат танадаги калий ва магний етишмовчилиги, шунингдек сувсизланиш белгиси бўлиши мумкин. Стрессда ёки чарчаган ҳолатда организм натрий талаб қилади, унинг мувозанатини буйрак усти безлари бошқаради.
Нимани танлаш керак: тузланган сабзавотлар, кимчи, уйда тайёрланган сабзавотли чипслар, лимонли сув, дуккаклилар ва сузма.
Углеводли овқатга иштиёқ
Бу ҳолат қондаги қанд миқдорининг нотекислиги, серотонин танқислиги, клетчатка етишмаслиги, доимий стресс ёки ичакдаги замбуруғли инфекция сабаб бўлиши мумкин. Улар углевод билан озиқланади.
Нимани танлаш керак: мураккаб углеводлар — бутун донли бўтқалар, киноа, гречка, жўхори, қайнаган тухум. Овқатни балансда ушланг: оқсиллар, клетчатка ва фойдали ёғлар иштиёқни камайтиради.
Ширинлик хоҳиши кучайганми?
Бу ҳолат хром, магний, фойдали ёғлар танқислиги ёки оддий стресс белгиси бўлиши мумкин. Бундан ташқари, ичакдаги “ёмон” бактериялар шакарни яшаш учун талаб қилаётган бўлиши мумкин.
Нимани танлаш керак: мевалар, хурмо, асал, кокос суви, табиий йогурт. Булар организмга зарар етказмасдан қондаги қанд миқдорини меъёрда ушлаб туради.
Шоколадга қарши тура олмайсизми?
Бу магний етишмаслигининг белгиси бўлиши мумкин. Айниқса, гормонал ўзгаришлар ёки чарчоқ пайтида бу ҳолат тез-тез юз беради. Ширинликлар серотонин ва допамин даражасини ошириб, кайфиятни кўтаради.
Нимани танлаш мумкин:
камида 80% какао таркибига эга қора шоколад;
банан ва ер ёнғоғи пастаси;
какао қўшилган смузи (коктейл).
Аччиқ ёки нордон таомлар истеъмол қилишга хоҳишингиз юқорими?
Бу ҳолат организм C витамини, электролитлар талаб қилаётганидан дарак бериши мумкин ёки ичакдаги муаммоларни билдиради. Аччиқ ва нордон овқатлар моддалар алмашинувини рағбатлантиради ва оксидловчи стрессга қарши курашади.
Нимани танлаш керак: амла (ҳинд дўланаси), ферментланган ичимликлар (кефир, комбуча), цитрус мевалари, уйда тайёрланган тузламалар, кўкатлар ва ёнғоқлар.
Ёғли ва зарарли овқатни хоҳлайсизми?
Бундай ҳолат фойдали ёғлар, оқсил, клетчатка ёки умумий энергия етишмаслиги билан боғлиқ бўлиши мумкин. Шунингдек, натрий даражасининг пасайиши ҳам сабаб бўлиши эҳтимолдан холи эмас.
Нимани танлаш керак: авокадо, ёнғоқлар, уруғлар, тандирда пиширилган балиқ ёки товуқ, кокосли таомлар. Шунингдек, киноа ёки жигарранг гуручли нон каби егуликларни синаб кўринг.
Газли ичимликсиз яшай олмайсизми?
Агар сиз шакарли газланган ичимликларга кучли боғлиқлик сезсангиз, эҳтимол бу сувсизланиш ва кальций танқислиги белгисидир. Тана тез шакар ва карбонатланганликни инстинктив равишда қидира бошлайди.
Нимани танлаш керак: лайм, ялпиз ва жаггери билан аралаштирилган сув, кокос суви, лимонли газсиз сув ёки уйда тайёрланган морс.
Изоҳ (0)