Гепатит “Б”, “С” ва “Д” касаллигини ва бошқа турларини табобат йўли билан даволаш имконияти чекланган. Бу ҳақда Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов маълум қилди, дея хабар бермоқда “Дарё” мухбири.
Ботир Қурбоновнинг айтишича, гепатит касаллигини фақатгина “А” турини табобат йўли билан ҳам даволаш мумкин.
Сабаби бу касаллик бизда енгил ўтадиган, ўзидан кейин асорат қолдирмайдиган турдир. Асосан болаларда яъни 3-5 ёшда уюшган контингентга кираётганда, яъни жамоа шаклланаётган пайтда келиб чиқадиган касаллик. Уни табобат йўли билан “Сариқлик” синдромини йўқотиш бўйича кўпроқ сув ичириш ва бошқа бир қанча усуллар билан даволаш мумкин, деди мутахассис.
Санэпидқўмита масъулининг алоҳида таъкидлашича, гепатит “Б”, “С” ва “Д” касаллигини ва бошқа турларини табобат йўли билан даволаш имконияти чекланган.
Чунки бу касаллик қонда бўладиган вирусни қондан тозалаш ва жигарни зарарланган “участка”ларни даволашдан иборат. Бунинг учун албатта вирусга қарши дори воситалари билан инфекционист шифокор ёрдамида даволаниши шартлиги кўрсатиб ўтилади, деди Ботир Қурбонов.
Изоҳ (0)