Ташқи кўринишдаги муаммолар кайфиятга таъсир қилади. Бундан ташқари, кўзгу қаршисида бесўнақай қоматни ҳам, хунук табассумни ҳам кўриш бир хилда ёқимсиз. Аммо маълум бўлишича, бу муаммолар бир-бири билан боғлиқ.
Наҳотки, тишлар билан ошқозон-ичак саломатлиги ва вазн ортиши ўзаро боғлиқ? Ҳа, шундай! Овқатни тўғри чайнаш унинг нормал ассимиляциясига ва организмга бериши мумкин бўлган барча керакли микроэлементларни истеъмол қилишга бевосита таъсир қилади. Тиш-жағ тизими шундай ташкил этилганки, чайнаш пайтида юк тенг тақсимланади. Бу озиқ-овқатнинг яхшилаб майдаланиши ва тупукнинг етарли даражада ишлаб чиқарилишини таъминлайди.
Тиш билан боғлиқ муаммолар мавжуд бўлса, одам луқмани оғриётган ёки чайнаш ноқулай бўлган томонда чайнамасликка ҳаракат қилади. Юкнинг тақсимланиши ва чайнаш сифати, тупук ишлаб чиқариш бузилади, озиқ-овқат етарли даражада майдаланмайди. Бунда ошқозон-ичак тракти ёки овқатланишнинг бузилиши билан боғлиқ муаммолар юзага чиқади, бу эса вазн ортишига олиб келади.
Физиологик
Милкнинг қонаши, ундаги оғриқ, яллиғланиш овқатни самарали чайнашга имкон бермайди. Бу одамлар қаттиқ овқатлардан воз кечишга, юмшоқ овқатларни афзал кўришларига олиб келади. Уларни ейиш янада осонроқ, лекин аксарият ҳолларда калориялари юқори ва ёпишқоқ бўлиб тиш орасидаги бўшлиқда қолади ва патоген бактерияларнинг кўпайишини қўзғатади. Бу оғиз бўшлиғи ҳолатига салбий таъсир қилади. Бундан ташқари, милк ва тиш юзасини табиий тозалаб бўлмайди, чунки буни қаттиқ озиқ-овқат маҳсулотлари табиий равишда бажаради.
Чайнаш сифатининг пастлиги ошқозон-ичак трактининг турли касалликларига сабаб бўлади: гастрит, колит ва ҳатто, ошқозон яраси каби. Бу омилларнинг барчаси туфайли вазн ортади ва соғлиқ ёмонлашади.
Психологик
Баъзи тишларнинг йўқлиги юз ассиметриясининг пайдо бўлиши, ажинлар ва бурун-лаб бурмалари чуқурлашишига олиб келади. Ойнага қараган одам бу кўринишларни қарилик белгилари, деб ҳисоблайди. Ташқи кўринишидан норози бўлади. Бу, айниқса, аёллар учун стрессдир. Кўпинча улар буни нимадир ейиш орқали енгиб ўтишга ҳаракат қилади.
Аммо бу хатти-ҳаракат аста-секин одат тусига киради, вазн ортади. Кўпинча эса оғиз бўшлиғи саломатлигини яхшилаш, етишмаётган тиш бўлинмаларини тиклаш кифоя ва ташқи кўриниш ҳам ўзгаради. Оғиз бурчаклари кўтарилади, бурун-лаб бурмалари кичраяди, юз янада жозибали кўринади.
Нима қилиш керак?
Муаммоларга дуч келмаслик учун мунтазам равишда гигиена муолажаларини бажаринг ва озиқ-овқат сифатини кузатиб боринг:
- Тишларингизни кунига 2 марта ювинг;
- Қўшимча қурилмалардан фойдаланинг (тиш иплари, ирригаторлар);
- Мунтазам равишда тиш шифокорида кўрикдан ўтинг ва муаммоли тишларни ўз вақтида даволанг;
- Тишларингизни камида 6 ойда бир марта профессионал тозаланг;
- Қаттиқ озиқ-овқат истеъмол қилинг, фастфуд, газли ичимлик ва ширинликлардан сақланинг;
- Тананинг сув балансини тўлдириш учун кўпроқ тоза сув ичинг, сув тиш эмалини ювади ва ҳимоя қиладиган сўлак ишлаб чиқаришга ёрдам беради.
Изоҳ (0)