Қишда юрак хуружининг олдини олиш масаласи ҳар қачонгидан ҳам долзарб бўлади: танани иситиш учун юрак тезроқ режимда ишлай бошлайди. Спорт билан шуғулланиш ёки фаол ҳаёт тарзи қишда юрак учун янада қўшимча юк бўлади. Паст ҳарорат натижасида инсон организмида қон табиий равишда бир оз қуюқлашади, бу эса тромбларнинг ҳосил бўлиш эҳтимолини оширади. Гарчи юрак хуружлари кўпинча 65 ёшдан кейин юз берса-да, уларнинг хавфини камайтириш 40 ёшдан анча аввал — ёшликдан бошлаб чора кўриш керак.
Чекишни ташланг
Чекиш бутун организмни, жумладан томирларни зарарлайди, қон босимини оширади ва қонга келадиган кислород миқдорини камайтиради. Статистикага кўра, чекувчилар юрак хуружини чекмайдиганларга нисбатан икки баравар кўпроқ бошдан кечирадилар.
Ширин газланган ичимликларни чекланг
Ҳаётингизда зарарли ва фойдали одатларни мувозанатга келтиришга қанчалик уринманг, бир стакан газли ва ширин ичимликлар барибир ўз зарарини кўрсатади. Уларнинг истеъмолидан сўнг бажарилган ҳар қандай спорт зарарни тўлиқ бартараф этмайди. Бундай ичимликлар юрак касалликлари хавфини оширади ва холестерин даражасини кўтаради.
Фастфуддан воз кечинг
Бургерни зарарли бўлмаган нон, кўкатлар ва гўшт деб тасаввур қилсангиз, янглишасиз. Фастфуд — бу турли ёғ, туз ва шакар манбаи бўлиб, асосан сифатли бўлмаган маҳсулотлар ва ширин соуслардан тайёрланади. Доимий равишда тез пишар таомлар билан овқатланиш юрак етишмовчилиги ва қон босими ошишига олиб келади.
Тиббий текширувлардан ўтиб туринг
Юрак-қон томир касалликларини олдини олишнинг энг яхши йўли — саломатликни кузатиб боришдир. Масалан, кальцийли эхокардиёграфия юрак артерияларидаги кальций тўпланишларини эрта аниқлашга ёрдам беради.
Стрессдан узоқ бўлишга ҳаракат қилинг
Кортизол, яъни стресс гормони қонда шакар ва холестерин даражасини оширади, қон босими ўйнашига сабаб бўлади, бу эса юрак фаолиятига салбий таъсир қилади. Агар соғлом ва узоқ умр кўришни истасангиз, стрессли муҳитдан узоқроқ бўлишга ва руҳий тушкунлик даврида атрофдагилардан ёрдам сўрашга ҳаракат қилинг,
Гипертония ва диабет хавфни минималлаштиринг
Гипертония, яъни юқори қон босими қон томирларини шикастлайди. Бу юрак ишига салбий таъсир қилади, айниқса 40 ёшдан олдин гипертония ривожланиши юрак хуружига олиб келиши мумкин. Қонда юқори шакар даражаси ҳам қон томирлари ҳолатига таъсир қилади ва юрак-қон томир касалликлари хавфини оширади.
Вазнни назорат қилинг
Гормонал қорин — бу семиришнинг бир тури бўлиб, одатда гипертонияга, жигар касалликларига ва юқори липид даражаларига боғлиқ. Метаболик синдром ҳам юрак хуружи хавфини оширади, шунинг учун вазнни назорат қилишга алоҳида эътибор қаратиш зарур.
Спиртли ичимликлардан воз кечинг
Спиртли ичимликларни ҳаддан ортиқ истеъмол қилиш инсон организми учун энг зарарли факторларидан бири ҳисобланади. Идеал ҳолатда, умуман спиртли ичимликлардан воз кечиш керак.
Профессионал шифокорларга мурожаат қилинг
Бугун тиббиёт мутахассисларини четлаб ўтиш ижтимоий тармоқлардаги тиббий билими бўлмаган “экспертлар”га кўр-кўрона ишониш ортиб бормоқда. Саломатлик учун профессионал ва тажрибали мутахассисларга мурожаат қилинг, улар сизнинг саломатлигингизни тўғри баҳолашга ёрдам беради.
Ҳар куни 30 дақиқа машқ қилинг
Жисмоний машқлар юрак мушакларини мустаҳкамлашга ёрдам беради, бу эса қон айланишини нормаллаштиришга олиб келади. Кардиологлар юрак саломатлиги турғун бўлиши учун кунига 30 дақиқа ҳеч бўлмаса енги спорт тури билан шуғулланишни тавсия этадилар.
Изоҳ (0)