Кўз саломатлиги ҳазилмас ва шифокорсиз бу ишни уддалаб бўлмайди. Аммо кўзойнак, аппаратли муолажалар ёки жарроҳлик амалиётларидан ташқари, ўзингиз мустақил бажара оладиган фойдали ишлар ҳам бор. Қуйида келтирилган усуллар биргаликда қўлланганда янада яхши натижа беради.
Фақатгина машқлар ва парҳез билан кўзни тўлиқ тиклаб бўлмайди, лекин мунтазам парвариш кўзларингизга дам беришга, кўз мушакларини чиниқтиришга ва керакли моддалар билан таъминлашга ёрдам беради. Бу эса кўриш қобилиятининг ёмонлашуви ва ёши ўтган сайин пайдо бўладиган касалликларнинг олдини олади.
Кўришни яхшилаш йўллари:
1. Озиқланишни тўғирланг
Ҳа, кўз ҳақида гап кетганда ҳам, авваламбор овқатланиш муҳим. Чунки танангиздаги барча аъзоларга, жумладан кўзларга ҳам еган овқатингиз таъсир қилади.
Рационга кўп тўйинмаган ёғлар ва ёғ кислоталарини (масалан, балиқда кўп) қўшинг. А, Б, C, Д витаминлари, селен, бета-каротин каби моддалар кўз учун жуда фойдали.
Кўпроқ сут маҳсулотлари, мол гўшти, тухум, сабзавот (айниқса сабзи, қовоқ ва бошқа тўқ сариқ сабзавотлар), кўкатлар, мева ва резаворлар истеъмол қилинг.
2. Қонда шакар миқдорини назорат қилинг
Шакар ва тўйинган ёғларни ортиқча истеъмол қилиш, шунингдек, юқори қон босими тўр парда қон томирларига зарар етказади ва катаракта, диабетик ретинопатия ва глаукома каби касалликларнинг хавфини оширади.
3. Ҳар куни 8 соат ухлашга ҳаракат қилинг
Доимий уйқусизлик бош ичидаги босимни оширади, бу эса кўз тўқималарининг қон билан таъминланишини ёмонлаштиради. Кўз нервлари шикастланиши, шишлар пайдо бўлиши мумкин. Танани тиклаш ва кўзларга керакли моддалар етиб бориши учун сифатли уйқу зарур.
4. Кўпроқ сайр қилинг ва жисмоний фаолликни оширинг
Баъзи спорт турлари (кескин ҳаракатлар талаб қиладиган) кўриш билан боғлиқ муаммоси борларга тавсия этилмайди. Аммо тўғри ёндашув билан спорт кўзлар учун дўстга айланади.
Энг фойдали спортлар — сузиш ва бадминтон. Улар кўз мушакларини машқ қилдиради. Стол тенниси, волейбол, баскетбол ҳам кўриш қобилиятини ривожлантиришда ёрдам беради.
Шифокор маслаҳатидан сўнг спорт билан шуғулланишни бошланг.
5. Кўз машқларини бажаринг
Агар кўриш муаммоси асосан диққатни жамлаш қобилиятининг сусайиши билан боғлиқ бўлса (масалан, узоқ вақт телефон ёки компьютерга тикилиб ўтириш), унда машқлар ва кўз учун махсус томчилар “сунъий ёш” ёрдам беради.
Машқлар:
1. 3 сония кўзларингизни маҳкам юмиб, сўнг 3 сония кенг очинг. 8 марта такрорланг.
2. Тўғрига қараб 3 сония қаранг, сўнг 30 см узоқликда тутган бармоғингиз учига 5 сония тикилинг. 10 марта такрорланг.
3. Бармоғингиз учига қараб, аста-секин кўз олдингизга яқинлаштиринг. Кўзингиз иккиланаётганини сезганча қаранг, сўнг аввалги ҳолатга қайтаринг. 8 марта такрорланг.
4. 1–2 дақиқа тез-тез қовоғингизни пирпиратинг.
5. Кўзингизни юминг ва бармоқларингиз билан кўз қовоқларингизни юмшоқ айлана ҳаракатлар билан массаж қилинг (60 сония).
6. Кўзингиз билан юқорига, пастга, чапга, ўнгга қаранг, геометрик шакллар чизинг.
7. Бурун учига қаранг, 5 гача сананг, кўзингизни дам олдиринг. Шифтга қаранг, пешонангиз марказига диққат қилинг. Такрорланг.
8. Дераза ойнасига 3–5 мм қора ёки қизил доира ёпиштиринг. Унга қараб туринг, сўнг дераза ортидаги бирор объектга қаранг. Дастлаб 5 дақиқа, кейин 7 дақиқа машқ қилинг. Бир кўз билан ва икки кўз билан бажаринг.
Норбеков, Данов, Аветисов, Бейцъларнинг кўз саломатлигига оид машқ методикаларини ўрганинг. Уларнинг мақсади — кўз мушакларини мустаҳкамлаш, чарчоқни камайтириш ва кўз ички суюқликларининг айланишини яхшилаш. Мунтазам машқлар орқали сиз кўришни уй шароитида сезиларли даражада яхшилашингиз мумкин.
Изоҳ (0)