Mutaxassislar ta’kidlashicha, qandaydir aniq bir mahsulotni yegingiz kelishi har doim ham ochlik tufayli emas, balki hissiy va fiziologik omillar bilan bog‘liq bo‘ladi. Stress, gormonal o‘zgarishlar, vitaminlar yetishmovchiligi yoki hatto oddiy suvsizlanish — bularning barchasi shakar yoki tuzga bo‘lgan to‘satdan ishtiyoq ko‘rinishida namoyon bo‘lishi mumkin.
Nutrisiologlarning aytishicha, bu — biz zararli ovqatni xohlayapmiz degani emas, balki ichakdagi bakteriyalar o‘zlariga energiya sifatida aynan shuni talab qilmoqda. Odamlar ularning “xohish”lariga ko‘proq bo‘ysunsa, shuncha ko‘p ichak mikrobiotasini buzadi. Bu esa qorinning shishishi, yallig‘lanishlar va ovqat hazm qilishdagi doimiy muammolarga olib keladi.
Aslida bu ishtiyoq nimani anglatadi? Va qanday qilib zararli mahsulotni foydalisi bilan almashtirib, o‘zimizni lazzatdan mahrum qilmaymiz?
Tuzli narsani xohlaysizmi? Bu holat tanadagi kaliy va magniy yetishmovchiligi, shuningdek suvsizlanish belgisi bo‘lishi mumkin. Stressda yoki charchagan holatda organizm natriy talab qiladi, uning muvozanatini buyrak usti bezlari boshqaradi.
Nimani tanlash kerak: tuzlangan sabzavotlar, kimchi, uyda tayyorlangan sabzavotli chipslar, limonli suv, dukkaklilar va suzma.
Uglevodli ovqatga ishtiyoq
Bu holat qondagi qand miqdorining notekisligi, serotonin tanqisligi, kletchatka yetishmasligi, doimiy stress yoki ichakdagi zamburug‘li infeksiya sabab bo‘lishi mumkin. Ular uglevod bilan oziqlanadi.
Nimani tanlash kerak: murakkab uglevodlar — butun donli bo‘tqalar, kinoa, grechka, jo‘xori, qaynagan tuxum. Ovqatni balansda ushlang: oqsillar, kletchatka va foydali yog‘lar ishtiyoqni kamaytiradi.
Shirinlik xohishi kuchayganmi?
Bu holat xrom, magniy, foydali yog‘lar tanqisligi yoki oddiy stress belgisi bo‘lishi mumkin. Bundan tashqari, ichakdagi “yomon” bakteriyalar shakarni yashash uchun talab qilayotgan bo‘lishi mumkin.
Nimani tanlash kerak: mevalar, xurmo, asal, kokos suvi, tabiiy yogurt. Bular organizmga zarar yetkazmasdan qondagi qand miqdorini me’yorda ushlab turadi.
Shokoladga qarshi tura olmaysizmi?
Bu magniy yetishmasligining belgisi bo‘lishi mumkin. Ayniqsa, gormonal o‘zgarishlar yoki charchoq paytida bu holat tez-tez yuz beradi. Shirinliklar serotonin va dopamin darajasini oshirib, kayfiyatni ko‘taradi.
Nimani tanlash mumkin:
kamida 80% kakao tarkibiga ega qora shokolad;
banan va yer yong‘og‘i pastasi;
kakao qo‘shilgan smuzi (kokteyl).
Achchiq yoki nordon taomlar iste’mol qilishga xohishingiz yuqorimi?
Bu holat organizm C vitamini, elektrolitlar talab qilayotganidan darak berishi mumkin yoki ichakdagi muammolarni bildiradi. Achchiq va nordon ovqatlar moddalar almashinuvini rag‘batlantiradi va oksidlovchi stressga qarshi kurashadi.
Nimani tanlash kerak: amla (hind do‘lanasi), fermentlangan ichimliklar (kefir, kombucha), sitrus mevalari, uyda tayyorlangan tuzlamalar, ko‘katlar va yong‘oqlar.
Yog‘li va zararli ovqatni xohlaysizmi?
Bunday holat foydali yog‘lar, oqsil, kletchatka yoki umumiy energiya yetishmasligi bilan bog‘liq bo‘lishi mumkin. Shuningdek, natriy darajasining pasayishi ham sabab bo‘lishi ehtimoldan xoli emas.
Nimani tanlash kerak: avokado, yong‘oqlar, urug‘lar, tandirda pishirilgan baliq yoki tovuq, kokosli taomlar. Shuningdek, kinoa yoki jigarrang guruchli non kabi yeguliklarni sinab ko‘ring.
Gazli ichimliksiz yashay olmaysizmi?
Agar siz shakarli gazlangan ichimliklarga kuchli bog‘liqlik sezsangiz, ehtimol bu suvsizlanish va kalsiy tanqisligi belgisidir. Tana tez shakar va karbonatlanganlikni instinktiv ravishda qidira boshlaydi.
Nimani tanlash kerak: laym, yalpiz va jaggeri bilan aralashtirilgan suv, kokos suvi, limonli gazsiz suv yoki uyda tayyorlangan mors.
Izoh (0)